Regsaksie oor Kubaanse ingenieurs gaan voort

Die minister van water en sanitasie, Lindiwe Sisulu (Argieffoto: GCIS)

Solidariteit gaan voort met regsaksie nadat die departement van menslike nedersettings, water en sanitasie versuim het om sy voorneme na te kom om ʼn alternatiewe voorstel in verband met die invoer van Kubaanse ingenieurs voor te lê.

Maroela Media het vroeër vandeesweek berig die organisasie het Maandag met die minister van menslike nedersettings, water en sanitasie vergader oor die invoer van Kubaanse ingenieurs, ten duurste, om Suid-Afrika met sy waterprobleme te help.

Minister Lindiwe Sisulu se span sou glo teen Woensdagmiddag ʼn voorstel maak om die dispuut te probeer ontlont. Die voorstel is teen Donderdagoggend nog nie voorgelê nie.

Solidariteit sê nou die departement laat hom eenvoudig met geen ander opsie as om met regsaksie voort te gaan nie.

“Nadat ons in goeie trou, op hulle versoek, vir hulle die vergunning toegestaan het om vir ons ʼn alternatief voor te lê, het hulle gewoon niks gedoen om hierdie plig na te kom nie,” sê Dirk Hermann, bestuurshoof van Solidariteit.

Volgens Hermann sal die organisasie se hofstukke eersdaags beteken word om die saak in die hof verder te voer.

“Daar is geen regverdiging daarvoor om Kubane in te voer – en dit boonop vanaf ʼn land met ʼn powere water-infrastruktuur – terwyl daar Suid-Afrikaanse vaardighede beskikbaar is nie. Die kern van die probleem is ʼn totale disrespek vir vaardighede en die private sektor in Suid-Afrika,” meen Hermann.

Maroela Media het vroeër berig Sisulu het uitgevaar teen kritiek oor die besluit om Kubaanse ingenieurs te gebruik om Suid-Afrika met sy waterkrisis te help. Sy het toe gesê die Kubane is nie hier vir indiensneming nie, maar om munisipale amptenare te mentor sodat werk geskep kan word.

Die koste van die 24 Kubaanse ingenieurs beloop sowat R65 miljoen – en dít terwyl Kuba self probleme met sy waterinfrastruktuur ondervind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Genis

Hoe kom hulle die land in? Dis dalk hoekom die Indiesie variant skielik hier opduik?

Kirst

R2,7 miljoen per ingenieur gemiddeld! En hulle het geen kennis van plaaslike omstandighede, regulasies en standaarde nie. Die ANC het geen skaamte nie.

Anel

Hulle is nou al hoe lank hier en wat se verskil het hulle al tewee gebring? In Koster het dit REGTE ingeneurs om en by twee weke geneem om die gemors op te klaar, as ek dit nie mis het nie. Nou wat het hierdie lot Kubane nou al gedoen? Net soos hulle kamtige dokters. Hierdie Sisulu moet in haar privaat hoedanigheid aan gevat word. Dalk, as dit aan haar sak begin vreet kom sy met die waarheid uit. Net soos die een wat die dokters in gebring het. Hierdie land trek geen voordeel nie maar ons moet vir hulle… Lees meer »

Jaco

‘n Hof wat deel is van die ANC-regering se departement van justisie gaan natuurlik ten gunste van Afriforum uitspraak lewer. Afriforum moet eerder die geld wat hulle op dié sinnelose hofsaak uitgee, gaan uitgee op ander werkskeppingsprogramme vir o.a. werklose ingenieurs, kospakkies vir arm wit mense ens ens.

Maalstroom

Lindiwe se verlede is gekenmerk deur swak besluite en keuses. Lees maar in Wikipedia daaroor onder haar ‘Controversies.’ Sy was byv. Jacob Zuma se assistent in sy intelligensie-rol in die ANC. Haar regsverteenwoordigers was verbied om te praktiseer. Sy lyk soos ‘n gewillige handperdjie van die ANC se selfverrykings-strateë, Zuma en Ace. Dit lyk of sy nog nie begin insien het dat die regerende party se aanwending van belastinggeld tot voordeel van ‘almal,’ ook die hele publiek wat belasting betaal, sowel as nie-ANC-lede moet wees nie. Want al die hande, koppe en monde dra by (hopelik) tot die ekonomiese groei… Lees meer »