‘Regse bevelvoerder’ vas oor beweerde komplot, ammunisie

Die Wellington-landdroshof. Foto: Skermskoot/Google Maps

ʼn Vyftigjarige man van Wellington in die Wes-Kaap is deur die Valke in hegtenis geneem aangesien hy glo deel was van ʼn beweerde komplot om geweld te pleeg.

Izak Gerhardus Visagie (50) is volgens die Valke die bevelvoerder van ʼn regse groep. Hy is Donderdag by sy huis in Wellington in hegtenis geneem na ʼn klopjag deur lede van die Valke se eenheid wat misdade teen die staat ondersoek en die polisie se misdaadintelligensie-eenheid.

Visagie het Vrydag in die Wellington-landdroshof verskyn en is op borgtog van R1 000 vrygelaat, het kapt. Philani Nkwalase, woordvoerder van die Valke, gesê.

Die aanklagte teen hom is vir die beweerde onwettige besit van ammunisie en die beweerde komplot. Hy moet weer op 9 September in die hof verskyn.

Volgens Nkwalase het die polisie inligting oor die beweerde komplot om geweld te pleeg opgevolg, wat hulle na Visagie se huis gelei het.

“ʼn Deursoek-en‑beslagleggingsoperasie is uitgevoer en die lede het op lewendige ammunisie wat in ’n sak verpak was, beslag gelê.”

Nkwalase wou nie die naam van die beweerde regse groep bekend maak of meer inligting verskaf oor die beweerde komplot om geweld te pleeg nie. Volgens hom sal die inligting in die hof uitkom en is die ondersoek in die verband steeds aan die gang.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
Jan

Alweer ‘n “inside informer ” wat hom weggegee het.

leser

“lewendige” ammunisie, waarvoor sal jy “dooie” ammunisie aanhou as jy jouself en of familie wil beskerm ????
waar moet ek dan my ammunisie bere, afgesien in ‘n kluis, ek kan dit nie net laat rondle nie

Winnie

Snaaks dat sekere mense so vinnig gevang word

Jannie van Niekerk

Nou mors die polisie hulle tyd op sulke nonsens in plaas daarvan om plaasmoordenars en aanvallers aan te keer. Wat se bedreiging kan een enkelke regse persoon nou inhou vir ‘n regering wat plaasmoorde, plaasaanvalle en misdaad goedgesind is?

Zukof

Ek is so siek vir die handsoppers en die liberale uitskydings in die Afrikaner gemeenskap wat met oogklappe round loop.