Regsoptrede volg dalk ná Malema-uitsprake

Julius Malema tydens ‘n perskonferensie.

Die burgerregte-organisasie AfriForum gaan met sy regspan beraadslaag oor moontlike regsoptrede teen die EFF en dié organisasie se leier, Julius Malema, ná “rassistiese uitsprake” wat Malema die afgelope naweek tydens ʼn politieke byeenkoms gemaak het.

Malema het onder meer gesê wit mense moet bly wees dat die EFF nie vir ʼn volksmoord vra nie.

Ernst Roets, adjunk- uitvoerende hoof van AfriForum, sê hierdie uitsprake moet gesien word binne die konteks van Malema se vroeëre uitspraak dat die EFF “nog nie” ʼn beroep op volksmoord teen wit mense doen nie.

“Die EFF se uitsprake is blatant rassisties en kwetsend,” het Roets gesê.

AfriForum het vroeër vanjaar ʼn klag van haatspraak teen die EFF ingedien nadat ondersteuners van dié party ʼn lied met die woorde “white man, you must die” en “shoot to kill the Boere” gesing het. “Die EFF se leierskap het dié lied in die openbaar verdedig en bygevoeg dat hy trots is op sy lede se optrede,” het hy gesê.

Maroela Media het Maandag berig Malema het Sondag gewaarsku die banksektor en Afrikaner-boere moenie probeer saamsweer in ʼn poging om grondonteiening sonder vergoeding te laat misluk nie.

Malema het EFF-ondersteuners in ʼn stampvol Standard Bank-arena in Johannesburg toegespreek waar die party ʼn kiesersregistrasieveldtog met die oog op volgende jaar se algemene verkiesing van stapel gestuur het. Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
Boet Fasie

Malema sien hy kom niks oor nie en dat hy kan se en doen net wat hy wil, nou gaan plaasmoorde weer styg na Malema se uitlatings. Moenie dat ‘n witman sulke uitlatings maak nie dan word hy onmiddelik toegesluit en gesien as ‘n gevaar vir die gemeenskap.

Martin

Dis elke keer net dreigemente deur almal om Malema hof toe te vat en elke keer kom daar niks van nie, meer bek as binnegoed

Jacqui

Vat hom vas.

Lizelle

Hy word nou al n geruime tyd lank toegelaat om te sê net wat hy wil en niemand vervolg hom nie! Hy sal seker eers gestop word as hulle wel besluit om ons re begin doodmaak! Hy is klaar besig want ek dink hy is n aanhitsing agter al die plaasmoorde!

honourable member

Maak n voorbeeld van hom. Hy kan nie maak en breek soos hy wil nie. Dis omdat hierdie mense met alles wegkom dat hulle dink hulle is so belangrik.