Regstappe dreig oor verpleegsters se plasings

Juan-Ri Theunissen en Dané Hertz. Foto: Verskaf

Die departement van gesondheid kan moontlik hof toe gesleep word omdat twee afgestudeerde verpleegsters meer as ses maande ná hul studie steeds nie by hospitale geplaas is nie.

Die vakbond Solidariteit het vandeesweek in ʼn verklaring gesê die verpleegsters, Juan-Ri Theunissen en Dané Hertz, moes reeds aan die begin van die jaar by hospitale geplaas word en ʼn salaris begin verdien het. Dit het egter nog steeds nie gebeur nie.

Volgens Solidariteit is Theunissen en Hertz se aansoeke om gemeenskapsdiensplasings einde verlede jaar by bepaalde hospitale goedgekeur, waarna die plasings met groot omstredenheid teruggetrek en hulle per SMS hieroor ingelig is. Solidariteit het nou in ʼn dringende skrywe die departement en die minister van gesondheid gemaan dat Theunissen en Hertz binne sewe dae by hospitale geplaas moet word. Indien die departement versuim om hieraan te voldoen, sal die vakbond regstappe doen.

Anton van der Bijl, hoof van Solidariteit se Sentrum vir Billike Arbeidspraktyke, het gesê Theunissen en Hertz is einde verlede jaar bloot in kennis gestel dat hul plasings onregmatig was. “Nadat die partye navrae daaroor gerig het, is hulle ná byna twee maande, op 12 Januarie 2017, in kennis gestel dat staatsbeurshouers eers geplaas moet word en dat hulle weer in die derde plasingsfase, wat reeds op 1 Januarie 2017 gesluit het, kan aansoek doen,” het Van der Bijl gesê.

Hy meen die departement en die minister van gesondheid het hul plig versuim om die verpleegsters in gemeenskapsdiensposisies te plaas soos deur die wet bepaal word. “Die verpleegsters is gevolglik nou al vir ses maande sonder betrekkings en hulle word daardeur benadeel omdat hulle nie sonder hul gemeenskapsdiensjaar as verpleegsters kan kwalifiseer nie. Boonop is albei aansoekers van ses maande se inkomste ontneem,” het Van der Bijl gesê.

“Solidariteit versoek nou die departement en die minister van gesondheid om dringend die plasings te bekragtig sodat die aansoekers ook hul beroepe kan beoefen en ʼn bydrae tot die ekonomie kan lewer.”

Enige soortgelyke gevalle kan by [email protected] aangemeld word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Miena

Totaal onaanvaarbaar !!!!

Louis

Net nog n bewys dat die swart A N C die wittes in die land nie goedgesind is nie en alles in hul vermoe sal doen om dit onaangenaam te maak vir wittes.

Alida

Hulle soek nie wit opgeleide verpleegsters nie maar stel mense van die strate af aan om in die morsige slagpale wat hospitale genoem word te werk. Hoekom is julle verbaas?

Louis

Wys jou maar net weer hoe rasisties die A N C en sy trawante is

Julle SAL wen!! Hou aan

Gee hulle gas. Baie sterkte. Julle gee om en sal dit regkry deur hul geplaas te kry. Bid dat God hulle sal seen en gebede hoor.