Die ANC het die afgelope weke onder skerp kritiek deurgeloop weens bewerings van korrupsie binne dié party se top-strukture wat verband hou met kontrakte vir die voorsiening van Covid-19-produkte en -dienste.
Die seuns van die omstrede Ace Magashule, die ANC se sekretaris-generaal, word betrek by bedrieglike tenders in die Vrystaat en pres. Cyril Ramaphosa se eie woordvoerder is op spesiale verlof geplaas weens gerugte dat haar man se onderneming by korrupte tenders betrokke is. Dis maar enkele gevalle van Covid-19-verwante korrupsie wat die afgelope tyd aan die lig gekom het.
Ramaphosa het verlede week ʼn kabinetskomitee aangestel om allerhande bewerings van korrupsie teen lede van die ANC te ondersoek, en toe hy Saterdagaand die land toegespreek het oor die land se afgradering na vlak 2-regulasies het hy hom sterk uitgespreek teen korrupsie.
Nietemin twyfel mense of daad by die woord gevoeg kan word.
Wat staan die kommissie van ondersoek te doen en kan ons verwag dat korrupte kaders dié keer aan die pen gaan ry? Hoe raak tender- en ander bedrog die gewone man en vrou op straat? Gaan dinge hierdie keer anders wees en gaan korrupte politici verantwoordelik gehou word? Indien daar nie teen politici opgetree word nie, wat is die moontlikheid van private vervolging?
Maroela Media se nuusredakteur, Elaine Krige, gesels regstreeks oor dié en ander kwessies met adv. Gerrie Nel, hoof van AfriForum se private vervolgingseenheid, Alida Kok, dosent in politiek aan Akademia, en Albert van Zyl, forensiese ouditeur verbonde aan die Noordwes-Universiteit.
Volg die regstreekse uitsending van hierdie gesprek op Vrydag 21 Augustus om 11:00 op Maroela Media se Facebook-blad. Die video sal ook onderaan hierdie artikel beskikbaar wees.
Nooi gerus kollegas, familie en vriende wat jy dink saam behoort te kyk.
Praat, praat, praat en dan kom daar niks van nie – korrupsie in die oos vrot cANCer is verseker bokant die wet – sal graag wil sien hoe die gepraat gaan uitdraai – verseker in niks soos gewoonlik.
Soos die Zondo kommiesie gaan dit vir ewig aanhou en daar gaan niks van kom nie. Dis net praat, praat en meer praat en intussen verdien Zondo en sy helpers miljoene belasting geld jaarliks. Dis nou drie jaar en net mooi niks het van die Zondo ondersoeke gekom nie.
Ek wil weet hoekom kopdoek en haar kinders nie vervolg word nie en hulle lag al die pad bank toe! Die bewyse is daar vir die sigarette en drank wat onwettig verkoop is…
Kom Cyril ons wag in spanning vir die kaders om te gaan sit en lank ook!
Niemand doen iets nie dit is ons land se kanker.
Sien is glo – wys my eers ‘n kader in ‘n oranje oorpak.