Regstudent in hof ná man se dood

Argieffoto

Itumeleng Eunice Maseko (26), ʼn regstudent, het vandag in die Witbank-landdroshof verskyn in verband met die moord die afgelope naweek op haar man, Caswell Maseko (30).

Brig. Leonard Hlathi, woordvoerder van die polisie, het gesê sy het hom glo Saterdagoggend doodgesteek.

“Die verdagte was glo by die huis met haar vier maande oue dogter en ʼn vriend toe haar man, ʼn sakeman, by hul huis in Witbank opgedaag het. ʼn Argument het tussen die egpaar ontstaan en die slagoffer is doodgesteek,” het Hlathi gesê.

Maseko het glo ná die voorval die huis verlaat.

Die polisie het ʼn soektog van stapel gestuur en Maseko se motor by die Centurion Mall in Pretoria dieselfde dag nog opgespoor.

“Die verdagte het haarself op Maandag 3 September in teenwoordigheid van haar regsverteenwoordiger aan die polisie oorgegee en sy is in hegtenis geneem.

Die saak is uitgestel tot 13 September. Maseko glo sal aansoek doen om borgtog.

Sy bly in aanhouding tot die saak voorkom.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.