Regter-rasherrie: Mabel Jansen bedank

Mabel Jansen

Regter Mabel Jansen, wat verlede jaar ‘n herrie veroorsaak het weens uitlatings op sosiale media, het bedank.

Mthunzi Mhaga, woordvoerder van die departement van justisie, het gesê Jansen het pres. Jacob Zuma en Michael Masutha, minister van justisie, skriftelik van haar onmiddellike bedanking in kennis gestel. Masutha het Jansen bedank vir haar diens.

Jansen is in Mei 2016 op spesiale verlof geplaas nadat ʼn private gesprek van 2015 tussen Jansen en Gillian Schutte, ʼn joernalis en aktivis, aan die lig gekom het. Schutte het die gesprek, waarin Jansen haar mening verduidelik oor swart Suid-Afrikaanse mans se beweerde kultuur van verkragting, openbaar gemaak.

Schutte het skermskote geplaas waarin Jansen glo skryf: “In hul kultuur is ʼn vrou daar om aan hulle genot te verskaf. Punt. Dit [seks] word beskou as ʼn absolute reg en ʼn vrou se toestemming is nie nodig nie.” Sy het ook geskryf: “Ek moet nog ʼn swart meisie ontmoet wat nog nie teen 12-jarige ouderdom verkrag is nie. Ek is doodernstig.”

Die Regterlike Dienskommissie (RDK) is steeds besig met ‘n ondersoek na Jansen se uitlatings. “Haar bedanking sal egter ‘n langdurige dissiplinêre proses verhoed,” het Mhaga gesê.

Jansen het, kort na haar uitlatings aan die lig gekom het, op haar Twitter-rekening gereageer en geskryf: “Wat ek vertroulik aan iemand gesê het, is heeltemal buite konteks geneem en verwys spesifiek na hofsake.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
tom

So word die blankes minder in die staats diens

Truman

Klink vir my na die waarheid.

Jordaan

Nog ‘n wit persoon wat haar werk en toekoms verloor, maar ons wag steeds dat daar enige negatiewe gevolge is vir enige van die swart rassiste. Die MRK is ‘n eensydige liggaam wat net witmense straf.

Ken

Ek is so gatvol vir hierdie eensydige rassisme in die land……. Hoe belaglik.

Chris

Die waarheid maak gewoonlik seer.