Argieffoto
Barry de Klerk, woordvoerder van die Namibiese polisie, het gesê die renosterkoei en haar kalf is in Damaraland gestroop.
“Die koei en haar kalf se karkasse is op 21 Desember tydens ʼn roetine-patrollie deur die Save The Rhino-trust gevind. Albei is doodgeskiet. Die karkasse was drie tot vier dae oud,” het De Klerk gesê.
Daar is die afgelope twee maande drie renosters in Namibië se wêreldbekende Etosha Nasionale Park gestroop. Volgens die polisie is daar vanjaar reeds 24 renosters in Namibië gestroop.
Ek kan tog nie die woord “stroop” verstaan nie. Ek onthou as kind is die blare van die suikkerriet af gestroop. Dit verstaan ek. Ek dink die woord vertel glad nie die ware verhaal nie.
Die arme stomme diere word op barbaarse wyse wreedaardig vermink en word deur gewetenlose monsters vermoor of halfdood agtergelaat om dood te bloei. As mense net kan ophou om Afrikaans te wil vertaal sodat dit soos Engels moet werk – sal dit sommer beter gaan met ons taal. Sulke woorde verdoesel net die waarheid.
Vergiftig die horings,dat n paar van die sterf wat die probleem veroorsaak soos die renosters sterf. Glo dit sal hulle in hul spore stuit.