Renosterstropery: Tien weer in hof

Die verdagtes tydens hul eerste hofverskyning. Foto: @LielaMagnus op Twitter.

Die verdagtes tydens hul eerste hofverskyning. Foto: @LielaMagnus op Twitter.

ʼn Vlieënier, prokureur, ʼn polisiebeampte en ander lede van ʼn vermeende renosterstroperysindikaat wat daarvan beskuldig word dat hulle meer as 20 renosters gestroop het, het Maandag in die hof verskyn.

Die regter het gelas dat Hugo Ras, die beweerde meesterbrein agter die sindikaat, en die ander beskuldigdes tot 8 Oktober in aanhouding moet bly wanneer hulle om borg sal aansoek doen. Ras het saam met sy vrou, Trudie, en agt ander verdagtes in die hof verskyn. Ras het sy vrou gesoen voor hy deur polisiebeamptes uit die hof gelei is.

Die ander verdagtes is Ras se broers Anton Ras en Arno Smith, Bonnie Steyn, ʼn vlieënier van Ficksburg, Willie Oosthuizen, ʼn adjudant-offisier van die Valke, Joseph Wilkinson, ʼn prokureur van Pretoria, Christoffel Scheepers, Mandla Magagula en Willem van Jaarsveld.

Die Valke het die verdagtes verlede Vrydag in hegtenis geneem. Ras, wat glo die sindikaat se aktiwiteite vir sowat vyf jaar lank bestuur het, is by die Pretoria-Noord-landdroshof in hegtenis geneem waar hy op ʼn afsonderlike klag sou verskyn het. Die ander verdagtes is dieselfde tyd in Polokwane in Limpopo, Ficksburg in die Vrystaat, Potchefstroom in Noordwes en in Montana, Mamelodi en Kameeldrift in Gauteng in hegtenis geneem.

Die sindikaat was hoofsaaklik in Limpopo, Mpumalanga, Noordwes, Gauteng en KwaZulu-Natal aktief. Die verdagtes word daarvan beskuldig dat hulle betrokke was by die stroop van 22 renosters tussen 2008 en 2012. Die sindikaat het glo 84 renosterhorings bekom en 22 renosters doodgemaak ter waarde van nagenoeg R22 miljoen, het die Valke vroeër gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

7 Kommentare

Ronel ·

Sluit di bl*ksems toe en gooi di sleutel weg,hulle behoort ni in di sameleweing nie.

Harrie ·

Dis werklik baie jammer om te sien dat dit blanke Afrikaners is wat die breins agter hierdie “moord” en barbarisme is. Om ons wild te verwoes vir eie gewin, is mees pateties as om te zuma!!!

Amanda Swanepoel ·

Gee hulle vir my – ek sal afsny met ‘n naelknipper stukkie vir stukkie – puntjie vir puntjie. Skuim van die aarde. Hoop nie hulle kry borg nie

pop ·

Hier kom nou n ding< wens hulle het dit ook uitgesaai!!!Kan iemand nie die tv mense se arms draai. Gisteraand toe sien ek op die nuus hulle begin al klaar om mekaar te beskuldig, witmense sal so teen mekaar draai. Geen woord bestaan om die klas van mens te beskryf nie. En dis nie van hongerte dat hulle so diere moor nie, nee, dis geldgierigheid. God het ons oor die diere aangestel, en dis wat hulle doen.

Roelene Webber ·

Geen borg vir enige van hulle nie!!!!!!!! Hulle is moordenaars!!!!!!!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.