Restaurantbedryf staak vandag oor regulasies

Argieffoto ter illustrasie (Foto: Unsplash)

Die restaurantbedryf sal na verwagting Woensdag betoog oor afsonderingsregulasies wat dié bedryf lamlê. Dié regulasies sluit in die verbod op drank en die aandklokreël.

Die Restaurantvereniging van Suid-Afrika (Rasa) het op sosiale media ’n beroep op restaurante en koffiewinkels gedoen om tussen 12:00 en 14:00 deel te neem aan sy vreedsame betoging bekend as die 1 Million Seats On The Streets-veldtog.

Luidens inligting sal restaurante en koffiewinkels vir die twee uur hul deure sluit en tafels buite of selfs in die strate plaas. Sommige restaurante het ook ’n beroep op sosiale media gedoen vir deelnemers om swart te dra tydens die betoging.

“Ons restaurante is leeg. Ons kan nie sonder die regering en klante se ondersteuning voortbestaan nie,” het Wendy Alberts, uitvoerende hoof van Rasa, Woensdagoggend aan Maroela Media gesê.

Argieffoto ter illustrasie (Foto: Unsplash)

Restaurante word tans nie toegelaat om alkohol saam met etes te bedien nie. Restaurante word ook gedwing om vroeër te sluit weens die aandklokreël wat saans vanaf 21:00 geld.

Rasa het op sosiale media gesê dié vereniging en ander belanghebbendes waaronder die nasionale drankhandelaarsraad en die drankhandelaarsvereniging van Suid-Afrika (LTASA) het pres. Cyril Ramaphosa genooi om hulle vandag te ontmoet om saam ’n oplossing te probeer vind vir die skadelike uitwerking van die onverantwoordelike drankverbruik om sodoende die verbod op bediening van drank te kan ophef.

Volgens Rasa het Nkhensani Kubayi-Ngubane, die minister van toerisme, reeds ingestem om vandag met hulle te vergader. ’n Memorandum sal tydens dié ontmoeting aan die minister oorhandig word.

Die organisasie Sakeliga het intussen sy lede aangemoedig om restaurante en koffiewinkels vandag te ondersteun as deel van die 1 Million Seats On The Streets-veldtog.

“Ná maande se onnodig skadelike, buitensporige en impulsiewe regulasies, is verskeie industrieë op hul knieë. In besonder het die kleinhandel-, voedsel- en drankbedryf die totale ineenstorting van sy omset van bykans R7 miljard per maand, wat dit in April sou wees, tot minder as R1 miljard ervaar,” het Piet le Roux, uitvoerende hoof van Sakeliga, in ’n verklaring gesê.

Argieffoto ter illustrasie (Foto: Unsplash)

“Restaurante en koffiewinkels, ʼn beduidende onderafdeling van dié bedryf, se omset het van meer as R4 miljard tot nul in April gedaal, volgens voorlopige statistieke van Stats SA wat Maandag uitgereik is.”

Sakeliga het sakelui aangemoedig om Woensdag ʼn drankie of ete by restaurante en koffiewinkels te koop en te geniet. “Ons moedig hulle aan om ʼn foto te neem en dit op sosiale media te plaas, met kommentaar oor die afsonderingsregulasies en die impak daarvan, of wenke oor hoe om skadelike regulasies teë te werk.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

16 Kommentare

JJ ·

Ek haat dit om dit te se, maar.. dis tyd vir ‘n klasaksie. Die grootskaalse vernietiging van kapitaal in besighede het niks te make met Covid-19 nie, maar alles te doen met regulasies wat deur die regering ingestel is. Die klasaksie moet twee Verweerders vermeld. Die Eerste Verweerder die uiteraard mev Zuma en die Tweede Verweerder, Die Chinese Kommunistiese Party (let wel die CCP en nie die Chinese Regering nie) Klasaksies teen die CCP is reeds ingestel in die VSA en in England.

JohanR ·

Stem saam JJ….of ‘n klasaksie, of die ANC aankla by die Internasional Kriminele Hof in die Hague, vir “crimes against humanity!”

Faraway ·

Hierdie “virus” is gestuur en word toegelaat om te skud . . . ek haal aan
“Derek Prince of Derek Prince Ministries gave a sermon and message “God Says: I Will Shake The Nations” where he teaches that in the times the Bible describes as the end times there will be a season in which God will shake everything that can be shaken including Nations.”

Francois Le Cochon ·

Bart Simpson, op die ouderdom van 10, het weer die volgende wyse woorde gespreek, ek haal aan, “Life sucks”

Scalla ·

Daar moes lakal optrede gewees het teen hierdie swak regering.

Kokerboom ·

Ons vertrou hul slaag in hul poging. Tyd vir aksie is nou vir oorlewing. Mag redelikheid seë vier

PH ·

Hierdie regulasies gaan lankal nie meer oor virusbeheer nie. Dis ‘n biologiese wapen wat die kommunistiese regering inspan om hulle mag af te dwing

Johann ·

Ergste is, as jy nie afbreek en brand en verwoes en dreig en jou “rights” afdwing nie, steur Ramaposa en sy trawante hulle nie aan jou nie. Hy gee nie om hoeveel skade hulle berokken nie, askuus, hy doen juis! Die ANC is besig om onder die dekmantel van n virus, die ekonomie af te breek om eenvoudig hulle magsbasis met wetgewing en afhanklikheid af te dwing. Dis hoe n terroris organisasie dink en doen.

JohanR ·

Jy kan nie jou resturant op wins bedryf nie sodat jy en jou werkers ‘n geldjie kan maak net om julself aan die lewe te hou, en dan as jy wil staak kom se die polisie aikona….hoe nou? Daar kom ‘n opstand in die land soos nie eers in die apartheid jare gesien is nie. As jou maag vir 5 dae nie kos gesien het nie, en dan op die sesde dag soe iets kry, en dan weer vir 5 dae nie kos sien kan begin jy naderhand se aikona soe ver en nie verder nie!

Jaco ·

daar kom klaar so min mense restaurante toe en nou staak hulle ook nog. ek dink hulle skiet hulleself in die voet, nadat lockdown hulle reeds in die ander voet geskiet het.

Maritza ·

Hulle staak nie, net vriendelike protes oor die onregverdigheid wat geskiet. Glo nie dit gaan help nie maar mens kan net bid daaroor.

Mariana ·

Regering het hulle ten doel gestel om land op sy knieë te dwing, hulle slaag. Vraag is nou net as die belasting waarmee hulle so lekker woeker nou so vinnig minder word, hoe gaan hulle staande bly. Kyk mooi watter besighede vou en sê vir my dit is nie groot meerderheid blanke eienaars nie…..wat geen hulp ontvang het nie. Land val nou uitmekaar en steeds gaan hulle rustig voort met hul duistere agenda.

Pieter ·

Ons moet op hou praat en dreig en begin doen. Dit is van al die gepraat dat ons sit waar ons sit.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.