Reuseveldtog begin teen dubbelstandaarde wat geld by rassisme

ras-regstellende-aksie-race

Argieffoto.

Die vakbond Solidariteit het vandag ʼn reuseveldtog, wat oor ʼn tydperk van drie maande strek, van stapel gestuur om uiteindelik ʼn massaklag oor die selektiewe hantering van rassisme aan verskeie forums, wat onder meer die Internasionale Menseregtekommissie insluit, te oorhandig.

Solidariteit beplan ook om oor die volgende drie maande ʼn verslag oor die dubbele standaarde, wat geld in die hantering van rassisme, te publiseer en ʼn konferensie oor dié onderwerp aan te bied.

ʼn Massaklag, waarin tienduisende Suid-Afrikaners gaan vra dat alle vorme van rassisme in Suid-Afrika oor dieselfde kam geskeer word, gaan ook deel uitmaak van die veldtog.

Aan die einde van die veldtog sal die klag by die parlement, die Suid-Afrikaanse Menseregtekommissie (SAMRK), die Internasionale Arbeidsorganisasie (IAO), die VN se Kommissie vir Menseregte, asook die VN se komitee vir die uitwissing van alle vorme van rassediskriminasie (CERD), ingedien word.

“Die klag gaan toon dat verskillende standaarde vir verskillende groepe geld wat rassisme betref en dat politici en staatsamptenare die grootste aanstokers van selektiewe rassisme is,” het dr. Dirk Hermann, bestuurshoof van Solidariteit, gesê.

Volgens Hermann is Suid-Afrikaners moeg vir die dubbele standaarde wat in Suid-Afrika geld wanneer dit by ras kom, met veral politici en mense in gesagsposisies wat rassespanning aanwakker.

“Weens selektiewe rassisme word disproporsionele dekking verleen aan vorme van rassisme wat wit mense teenoor swart mense pleeg. Ter illustrasie is Penny Sparrow, ʼn gewone lid van die publiek wat nie in ʼn gesagsposisie is nie, oor en oor verguis oor onaanvaarbare opmerkings wat sy oor swart Suid-Afrikaners gemaak het, terwyl Levuyo Menziwa, ʼn EFF-studenteleier, se opmerkings dat hy ‘f**en whites’ met ʼn bazooka of ʼn AK47 wil doodskiet, lank reeds vergete is,” het Hermann gesê.

“Solidariteit het verlede jaar groot sukses behaal tydens die sitting van die Verenigde Nasies se komitee vir die uitwissing van alle vorme van rassediskriminasie (CERD – Committee on the Elimination of Racial Discrimination) en is slaggereed om die saak te hervat en later vanjaar weer ons stem en die stem van talle Suid-Afrikaners op ʼn internasionale platform te laat hoor,” het Hermann gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Jem

Dankie aan Solidariteit wat weereens die bulk by die Horningsham pak. Ek is regtig trots om n lid van Solidariteit te wees. Solidariteit steun nie net blankes nie maar staan ander bevolkingsgroepe ook by. Solidariteit doen so voort. Dit is al hoe ons stabiliteit in hierdie land gaan kry ten goede van alle rasse in Suid Afrika.

Anoniem

Skitterende idee!

ANONIEM

MOET ASB OOK NIE VAN VINETTE EBRAHIMS (CHARMAINE-7DE LAAN) VERGEET NIE.
SY MAAK OOK MAAR LEKKER VERGELYKINGS TEEN ONS WIT MENSE. DIT OOK BIETJIE HAARBEURT OM VASGEVAT TE WORD….

Vivian

Dankie tog. Iemand gaan hierdie boosheid probeer teenwerk. Sal bid God dit laat geslaagd wees.

Marcus

Dit klink na ‘n ordentlike poging!
Dankie!
God die Vader, ons bid dat hierdie roep na regverdigheid suksesvol sal wees en vrede en harmonie in ons Land sal bring.
In Jesus Naam,
Amen.