RGB bekommerd oor al talle kamma-dokters

(Argieffoto: Jossué Trejo/pixabay)

Die Raad op Gesondheidsberoepe (RGB) sê hy is diep bekommerd oor die voortgesette neiging deur geregistreerde mediese praktisyns om ongeregistreerde aflospersoneel in hul praktyke in diens te neem.

“Die RGB en wetstoepassingsowerhede werk onophoudelik om te verseker dat die onwettige gebruik van kamma-gesondheidsorgpraktisyns uitgewis word.”

In die jongste voorval het ʼn Kongolese man Donderdag in die hof verskyn nadat hy in Kraaifontein in Kaapstad aangekeer is waar hy as dokter gewerk het. Dr. Kishule Prosper Bataciramwira is nie as dokter geregistreer nie, maar het steeds pasiënte gesien by ʼn praktyk van ʼn ene Dr. ECA Mensah, het die RGB in ʼn verklaring gesê.

“Lede van die gemeenskap word aangemoedig om enige moontlike onwettige optrede deur ongeregistreerde mense aan te meld. Geregistreerde praktisyns moet ook nie ongeregistreerde aflospraktisyns in diens neem nie, omdat dit die lewens van die publiek in gevaar stel.”

Gesondheidsorgwerkers moet ingevolge wetgewing by die raad registreer voordat hulle in Suid-Afrika mag werk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Prikkie ·

Was hy darem ‘n “goeie” dokter?

Dalk het hy die simptome online ge-google soos baie van ons maar soms onsself “diagnoseer”. Al verskil is dat hy dit beslis nie gratis gedoen het nie.

Boereverneuker!

johanf ·

Ai tog,…..waar word nie gelieg en bedrieg in SA nie hahaha….

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.