Rhodes-gedenkteken brand

‘n Brand het Sondagoggend aan die hang van Tafelberg uitgebreek. (Foto: Verskaf)

Brandbestryders is Sondagoggend ontplooi nadat ʼn brand naby die Rhodes-gedenkteken aan die voet van Tafelberg uitgebreek het.

“Die stad se brand‑ en reddingsdiens is omstreeks 08:45 ingelig oor plantegroei wat by Philip Kgosana-rylaan aan die brand geslaan het. Brandbestryders is onmiddellik ontplooi en die vuur versprei tans van die gedenkteken na die Universiteit van Kaapstad,” het die Stad Kaapstad net ná 13:00 op hul Twitterblad geskryf. Maroela Media het verneem dat die brand teen 13:30 na een van die laboratoriums by die universiteit versprei het.

Die vuur het teen Sondagmiddag na die Universiteit van Kaapstad versprei. (Foto: Verskaf)

“ʼn Deel van die teetuin by die Rhodes-gedenkteken is beskadig en mense word aangeraai om nie die gebied te betree nie,” het die Stad gesê. “Meer hulpbronne is reeds op pad om te help om die brand te blus, waaronder spanne van Working on Fire en die Tafelberg Nasionale Park.”

Drie helikopters help ook om die vlamme uit die lug te probeer blus.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

15 Kommentare

JohanR ·

Bergie met ‘n stompie, of iemand met ‘n aansteeker? With these matches – Winnie Mandela.

Sarel ·

Nog ‘n Brand….nog ‘n ondersoek..nog edn sonder antwoord

Pieter ·

Ja, NetNuus berig dat Mostert se Meule brand. Vuur blykbaar gestig deur haweloses, maar vandag is dit oor die 30grade Celsius in die Kaap. Twak verskoning om ‘n vuur te maak, dit is droog en warm maar nie koud nie.

Jaco ·

Dis mos die universiteit waar akademici en studente gedurig vuur spoeg met uitsprake soos “fees must fall”, Rhodes must fall” en “decolonialise education”. Intussen kry hulle klas in geboue wat in die “colonial” tyd gebou is, ry in motors afkomstig uit Westerse koloniale lande, op paaie wat dateer uit die koloniale tyd, eet met Westerse koloniale mes en vurk kos wat deur wit “koloniale” boere verbou word.
Ek sien op ander nuus webwerwe dat van die universiteit van Kaapstad se geboue ook gebrand het. Is dié brand dus dalk ‘n geval van karma?

Mariana ·

Dit sal nou so reg in die kraal van sekere politieke partye pas. Snaaks dit brand nou eers. So met kolonalisasie en al die goed.

Nico ·

Die regte monument word vernietig, Rhodes was ‘n engelsman wat saam baklei het met die Britse magte om Suid Afrika te vernietig

akkedismis ·

Kyk waarop het die BRANDSTIGTER gekonsentreer. Die GESKIEDENIS van die land wat MOET VERDWYN!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.