Die polisie in Grahamstad in die Oos-Kaap doen ʼn geregtelike doodsondersoek ná ʼn student van Rhodes-universiteit gesterf het.
Die student, wie se naam nog nie bekend gemaak is nie, was glo Donderdagoggend vasgekeer toe ʼn brand in die vroeë oggendure by studentebehuising uitgebreek het.
Kat. Mali Govender, woordvoerder van die polisie, het gesê die man, in sy vroeë 20’s, het die huis in Milnerstraat saam met verskeie ander persone gedeel.
Die brand het na bewering in die kombuis ontstaan, wat direk langs die student se kamer geleë is.
Hy kon glo nie uit die kamer ontsnap nie, weens die diefwering teen die vensters.
Govender het gesê sy huismaats kon veilig uit die huis ontsnap. Die huis is in die brand verwoes.
Ek ruik n rot!
Marius ek ruik twee rotte.
Dit is natuurlik nog n ekstra gevaar wat ons in die land het met al die diefwering wat nodig is. Dit maak dat ons nie kan self ontsnap as dit moet nie. Net nog n bewys hoe die misdaad ons raak.