Rietvlei-renosters se horings verwyder

Argieffoto Foto: viechfisch, Pixabay

Argieffoto Foto: viechfisch, Pixabay

Die oorblywende renosters in die Rietvlei-natuurreservaat se horings sal verwyder word nadat twee renosters in die reservaat gestroop is.

SABC News berig dat die Tshwane-metro Saterdag met die proses begin het om die 13 oorblywende renosters in die reservaat se horings te verwyder. Kgosientso Ramokgopa, burgemeester, het gesê veiligheid in die reservaat sal ook opgeskerp word.

Die reservaat is tot verdere kennisgewing gesluit nadat twee renosters, waaronder ʼn koei wat dragtig was, Donderdag in dié reservaat gestroop is.

Edna Molewa, minister van omgewingsake, het intussen die stroop van die renosters ten sterkste veroordeel. “Ek hoop dat die skuldiges wat hierdie gruwelike misdaad gepleeg het, binnekort in hegtenis geneem sal word.”

Molewa het ʼn beroep op Suid-Afrikaners gedoen om voort te gaan om saam met wetstoepassingsagentskappe te werk om te verseker dat renosterstropers aan die pen ry.

Lees alle vorige berigte oor die Rietvlei-natuurreservaat op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Johann ·

Net eenvoudig GEEN respek vir lewe van enige aard nie. En só n kultuur behoort volgens my nie in n samelewing waar wedersydse respek as n basiese minimum funksionering moontlik maaknie.

Paull ·

Die dood is te genadig wees vir stropers, vandaliste , rowers en moordenaars, uitgerekte korrektiewe aksie voor die genadeskoot sal gepas wees.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.