Foto: NSRI
ʼn Rob en ʼn karetskilpad wat in ʼn visnet verstrengel geraak en op Langstrand by Kommetjie in die Wes-Kaap uitgespoel het, is Woensdag gered.
Lede van die publiek wat langs die strand gestap het, het op die diere afgekom en alarm gemaak, het Craig Lambinon, woordvoerder van die Nasionale Seereddingsinstituut (NSRI), gesê.
“ʼn Reddingspan van die NSRI in Kommetjie het reageer en personeel van die Twee Oseane-akwarium het by hulle aangesluit.”
Foto: NSRI
Die rob en skilpad was in dieselfde net vasgekeer en volgens Lambinon was hulle waarskynlik ʼn hele ruk in die net vasgekeer voor hulle Dinsdagaand tydens ʼn storm uitgespoel het.
Die rob was baie getraumatiseerd en gespesialiseerde toerusting is gebruik om die diere te bevry. “Die rob het ongedeerd gelyk en onmiddellik na die see teruggekeer terwyl die skilpad na die Twee Oseane-akwarium geneem is.”
Volgens Lambinon het die akwarium laat weet dat die skilpad goeie sorg en rehabilitasie ontvang, in goeie gesondheid is en binnekort weer in die see vrygelaat sal word.
-
- Foto: NSRI
-
- Foto: NSRI
Dit is so jammer, diere wat moet lei onder mense. Haal al die nette uit, die see is hulle bly plek.
Hoe kan diere ooit lei onder mense, Lynette? Hulle het tog nie daardie intelligensie nie. Maar verrassend, hulle het tog leiers onder hulself.
Die hoë prys wat seediere betaal vir ons smaak vir seekos
Ja so is hulle lewe gerd en die en die diere kringloop kan weer voort plant baie dankie vir oplenende mense en hulle lewe
Die stappers wat moeite gedoen het om betrokke te raak en die instansies wat reageer het, het gesorg vir ‘n storie met ‘n goeie einde. Dit sou andersins as nog ‘n misstap teen weerlose natuurlewe eindig. Dankie julle ????
Baie baie dankie aan almal wat die 2 diere gered het! Julle sal geseen word!
Dankie aan almal wat gehelp het…
Ag so bitter dankbaar!…..
Dankbaarheid het ‘n soet smaak, jean.
En hy lyk so oulik.
Alhoewel die oorblyfsels van visvang nette, lyne en toue verantwoordelik is vir meer as 40% van die plastiek besoedeling in die oseane bestel ons nou skielik ons Coke Light by Ocean Basket sonder ‘n strooitjie en ons wens onsself geluk met ons omgewings bewustheid.