Craig Lambinon, woordvoerder van die Nasionale Seereddingsinstituut (NSRI), het gesê lewensredders het die NSRI in Gordonsbaai ontbied nadat die man se roeiplank op die strand uitgespoel het. Volgens ʼn ooggetuie het die man van sy roeiplank af geval en onder die water verdwyn.
Die NSRI kon egter nie die man opspoor nie waarna die polisie se duik-eenheid die soektog oorgeneem het. Volgens Lambinon het niemand nog ʼn vermiste persoon aangemeld nie.
Die polisie ondersoek die voorval.