‘Roekeloos om jouself nie te verdedig nie’ – Bheki Cele

Bheki Cele, minister van polisie. (Foto: Jairus Mmutle/GCIS)

“Een van die mees basiese menseregte is die reg op lewe. Dis roekeloos om jouself nie te verdedig nie.”

Só het Bheki Cele, minister van polisie, Saterdag by die gesamentlike begrafnisdiens van die vermoorde polisielede sers. Mojalefa Molete (42) en konst. Simon Ntsekeletsa (50) gesê waar hy ’n huldeblyk gelewer het.

Maroela Media het verlede maand berig Molete en Ntsekeletsa, albei van die polisiestasie op Mareetsane in die Ngaka Modiri Molema-distrik, het op 26 Julie vermis geraak nadat hulle op klagte van misdaad in die omgewing gereageer het.

Die skofbestuurder het later na hulle gaan soek en op twee verkoolde liggame in ʼn polisievoertuig in die bosse by Moseta afgekom.

Vyf verdagtes, Benjamin Jacobs (42), Jeremiah Mongale (26), Rapulana Keikantse (25), Matthews Modukanele (20) en ’n minderjarige verdagte (16) is in verband met die moorde in hegtenis geneem.

Hulle is steeds in aanhouding. Twee van dié verdagtes is glo ’n pa en seun.

Cele het in sy huldeblyk gesê hy is moeg om polisielede te begrawe.

“Ons is nie Avbob nie.

“Net soos julle ander se lewe moet beskerm, moet julle ook jul eie lewe beskerm.”

Hy het verder gesê dat daar nie tydens begrafnisse gehuil en getreur moet word nie omdat dit aan misdadigers die idee sal gee dat hulle iets goed bereik het.

“Polisielede is ook helde wat gevier moet word.”

Cele het voorts gesê dat gemeenskappe die polisie moet bystaan om misdadigers vas te trek aangesien hulle “baie van dié misdadigers ken”.

Volgens Cele kom misdadigers nie sommer net so tot stand nie, maar word hulle “gekweek” en is hulle deel van huishoudings en gesinne.

“Hulle is jou man, seun en kêrel. Jy ken hulle, maar jy laat toe dat hulle gedy en floreer.”

Hy het verder gesê mense kan nie oor misdaad kla as hulle swyg oor die misdadigers wat hulle ken nie.

Cele het voorts gesê dat polisielede beter tegniese opleiding nodig het, sodat hulle ook beter toegerus kan wees om hulleself te kan beskerm.

“As ons nie gaan bid dat Suid-Afrika verander nie, gaan Suid-Afrika homself doodmaak,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

51 Kommentare

jongste oudste gewildste
Pieter

Twee dinge. Een: Suid Afrika is besig om dood te gaan onder die ANC. Ons bid wel vir verandering. Twee: Hoekom mag die gewone landsburger nie sigself verdedig nie, aangesien ‘n vuurwapen vir selfverdediging nie toelaatbaar word nie? Duidelik onbevoeg en agtergeblewe.

SjN

As Hoedeman wet en orde afdwing sou die begrafnis nie nodig gewees het nie, dit is openlik sigbaar en kriminele buit dit uit.

Strandloper

Wat n verregaande idiot. So net die polisie het die reg om hul self te verdedig sonder opleiding en dan die sotlike uitlating om nie te treur oor n geliefde nie? Wens tog daar was meer as net drie aktiewe brein selle.

marius

Jy gaan hierdie woorde oor en oor hoor , en sluk waneer jou poging om wetsgehoorsames se wapens weg te neem in jou gesig ontplof ou man.

Jeff

Ooh jinne wanneer gaan jy sense praat. Wat n ongevoelige ding om te sê mense moenie huil nie. Wow ooh eeeh eeeh