Rolene Strauss gekroon as Mej. Wêreld 2014

Rolene Strauss gekroon as Mej. Wêreld 2014

Rolene Strauss gekroon as Mej. Wêreld 2014

Rolene Strauss, Mej. Suid-Afrika 2014, is Sondag tydens ʼn glansgeleentheid in Londen, Engeland, gekroon as die nuwe Mej. Wêreld.

Mej. Hongarye is as die eerste prinses gekroon en Mej. Amerika is as die tweede prinses aangewys.

Rolene (22) is in Volksrust in Mpumalanga gebore. Sy is ʼn vierdejaar mediese student aan die Universiteit van die Vrystaat.

Sy het as agtjarige gesien hoe Jo-Ann Strauss as Mej. Suid-Afrika in 2000 gekroon is. Die twee skoonheidskoninginne is nie verwant aan mekaar nie.

Rolene is onder die top 5 aangewys saam met Hongarye, Australië, Amerika en Engeland. Altesaam 120 vroue het aan die kompetisie deelgeneem.

Rolene neem die kroon oor by Megan Young van Filippyne.

Mej. Thailand is as die kykersgunsteling aangewys.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
tiana Bester

Ek is baie bly DAT sy gewen het

Marthie

Uitstekend, so trots op haar! Die laaste antwoord wat sy gegee het, was n wenner!

Willie

Baie geluk Rolene, dis ‘n groot prestasie! Nie enigeen word ‘n wêreldkampioen nie. Dis voorwaar ‘n titel om op trots te wees. Dra dit met vreugde.
Dit is darem ‘n lekker gevoel om so oorstelp te voel. Ek ken daardie onbeskryfbare gevoel.

Saamprater

Nog ‘n Suid Afrikaner wat die hoogste sport in sy/haar veld bereik het
Baie geluk, ons is saam bly en trots op haar
Hou ons naam hoog

Henrietta Klaasing

40 jaar na Anneline Kriel, weer ‘n SA-kaner. Stylvolle dame, pragtig in elke opsig – waardige wenner, veels geluk!