Rommelstatus: ‘SA kan Zuma nie langer bekostig’

Argieffoto (Foto: stevepb, Pixabay)

Standard & Poor’s se kredietafgradering van Suid-Afrika na rommelstatus is te wyte aan pres. Jacob Zuma wat weer eens bewys het dat hy sy eie belange bo dié van Suid-Afrika stel.

Die is die mening van dr. Pieter Groenewald, leier van die VF Plus, kort nadat dié aankondiging laat Maandagmiddag gemaak is.

“Standard & Poor’s wat aanvoer dat die vervroegde besluit om Suid-Afrika af te gradeer en dit direk te koppel aan die kabinetskommeling, bewys dat Zuma en die nuwe minister van finansies, Malusi Gigaba, geen vertroue of geloofwaardigheid in die finansiële wêreld kon vestig nie. Die goeie werk van Pravin Gordhan is met ʼn enkele optrede van Zuma vernietig,” het Groenewald in ʼn verklaring gesê.

Groenewald het gesê dit is die verbruikers wat die prys hiervoor gaan betaal deurdat daar ʼn gevaar is dat rentekoerse aansienlik kan groei in die toekoms, dat die ekonomiese groeikoers meer beperk gaan wees en dat belastingbetalers sal moet opdok vir verhoogde rente op staatskuld.

“Gigaba se onbevoegdheid word geïllustreer deurdat hy Maandag sou gesê het dat die staat meer skuld sal aangaan om projekte te finansier. Verdere gerugte dat hy vandag aan die media gesê het dat die land nie afgegradeer sal word nie, wys dat hy totaal uit voeling is met die werklike ekonomiese vereistes wat deur die wêreld gestel word aan lande wat geld wil leen.”

Volgens Groenewald gaan die mense van Suid-Afrika reeds gebuk onder finansiële druk en gaan hulle nou swaarder kry. “Dit is alles veroorsaak deur pres. Zuma. Die land kan hom nie langer bekostig nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

37 Kommentare

jongste oudste gewildste
Rynhardt

Groenewald dit is nie net die president wat die probleem is nie, maar die hele Anc! SA gaan sy skuld van R2triljoen vinnig verbysteek! Anc-ondersteuners gaan nou die pyn in hul sakke voel.SA het nog nooit n ekonomiese raamwerk gehad nie!Ek sal graag wil weet, hoeveel goud en diamante agter die skerms SA gaan verlaat! Groenewald, u dink nie daaraan nie.

Andre

En so gaan die plunderaars ongesteurd voort.

Johann

En steeds jaag SA hom nie weg nie, SA se eie skuld

Claudette

Ons het n jaar en half terug ons huis gekoop, rentekoers al 3 keer opgegaan, dit is belaglik wat gebeur met harderkende mense, ons geld word verkwansel vir besluite deur onbevoegde mense in hoe poste :(

Erick

23 jaar se verwoesting, verminking, verkragting en moord. 23 jaar se korrupsie, diefstal en anargie kon nie rommelstatus teweeg bring. ‘n Kabinet skommeling en die omruil van die Finansiële Minister wel. Wat is dan belangrik in die lewe? Is ons landsburgers se lewens dan so min werd?