Roodepoort-kaping: Seun se herstel ‘ongelooflik’

Eugene by Damian in die hospitaal. Foto: Verskaf

Eugene by Damian in die hospitaal. Foto: Verskaf

Marilize Bright (34) en haar seun, Damian (7), se toestand verbeter daagliks waar hulle in onderskeie hospitale in Johannesburg behandel word, ná die mislukte kaping waarin hulle ernstig beseer is.

Alan Bright, Marilize se swaer en woordvoerder van die familie, het gesê dit gaan baie beter met Damian. “Sy pa, Eugene, het by hom gekuier. Hy is steeds in die hoësorgeenheid, maar sy toestand is nie meer kritiek nie. Hy is van die ventilator afgehaal en die toestel wat die drukking op sy brein gemeet het, is ook verwyder. Sy herstel is ongelooflik.”

Volgens Bright is Marilize intussen ook steeds in die hoësorgeenheid, maar is sy na die deel van die saal geskuif waar sy nie meer as kritiek beskou word nie. “Sy beweeg elke dag ʼn bietjie meer, maar sy is steeds in baie pyn. Eugene is gelukkig met haar vordering.” Abigail sterk intussen steeds by die huis aan.

Eugene saam met Abigail en Martinique. Foto: Verskaf

Eugene saam met Abigail en Martinique. Foto: Verskaf

Maroela Media het vroeër berig Marilize het Vrydagmiddag kort voor 15:00 vir Damian en sy ouer suster, Abigail (9), by Laerskool Horison in Roodepoort gaan oplaai in haar blou Hyundai i20. Sy het toe gery om vir Martinique (1) by haar kleuterskool daar naby op te laai, toe hulle deur drie mans gekaap is. Die verdagte wat bestuur het, het sowat 5 km verder, op ʼn skerp draai, beheer oor die motor verloor en oor ʼn randsteen gery voordat die motor teen ʼn bakkie, wat ʼn woonwa gesleep het, gebots het.

Lees alle vorige berigte oor die Bright-gesin op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

22 Kommentare

Willie ·

Dis baie goeie nuus! Mag die Heer se hand oor julle wees, en dat die geneesings prosses volkome aan julle kant sal wees. Hoop almal herstel volkome. Baie sterkte en almal bid vir julle beterskap!

Tiger ·

Dis lekker sulke goeie nuus te kan lees!Sterkte aan mev.Bright en haar seuntjie.Solank julle op ons Vader vertrou en in Hom GLO sal als regkom.Die bewys van sy wonderwerking is reeds daar!

Lucy ·

Dank die Here dat hy die hele gesin gespaar het na die tragiese gebeure, Ons bid vir spoedige en volkome genesing.

SNEL ·

Absoluut, Hannelie, prys die Heer!
So bly om die goeie nuus te lees.

mm ·

So dankbaar…Dankie Here vir U magtige hand van geneesing oor elkeen van hulle….

Helene Heyns ·

Ek ken hierdie gesin van geen kant af nie maar my hart loop oor van dankbaarheid toe ek hierdie wonderlike nuus lees. Loof die Here.

Marous ·

Dankie Here vir U genadiglike gehoor van ons gebede . Amen!

charlene ·

Dis sulke goeie nuus, dis wonderlik so bly hulle herstel so goed
Maroela: Baie dankie vir julle wat gereeld nuwe inligting plaas oor ons op hoogte hou. Dis `n ongelooflike mooi foto van pa en seun.
Sterkte aan die gesin.

Gesiggie ·

Dit verbly n mens se hart om sulke berigte te lees… so bly dat jy ook nou goed herstel Damian… een van die dae is Mamma ook 100% dan kan jul weer saam wees en sal jul lewe weer beter wees. Alle sterkte God sal jul bewaar.

Lee-anne ·

Baie sterkte aan die gesin. Ek hoop almal is baie gou weer 100% gesond. Hulle glimlaggies is pragtig.

Annatjie vd Merwe ·

Mag Jesus Sy Helende Hand oor jul gesin hou!! Baie sterkte. Ek hoop die Gesin dagvaar die Staat en Polisie omdat hul nie SA Burgers kan beskerm en veilig hou nie…

Hannetjie Harvie ·

Ek is so bly hierdie gesin sterk goed aan. Die Here is Groot, en genadig. Ek hoop julle is sommer volgende week almal by die huis.

Annelize ·

Was dit nie vir my ore nie, was my smile nou reg rondom my kop! Ek is soooo bly dit gaan so goed met die Bright gesin. Bly positief, die pad mag dalk nog lank wees, maar as die Here julle tot hier toe gedra het, glo ek Hy sal julle verder ook dra. Kapers 0, die bright Brights 1! Hoe lekker kry ek nou!

Amanda Labushagne ·

Alle eer aan God. Dankie vir die ophoogte hou van die beriggewing. Sterkte met die hele gesin se gesond word proses.

Marlize ·

Dankbaar dat hulle so goed herstel. Ons sal as ‘n volk hierdie misdaad in ons land moet vasvat. Sterkte vir julle familie…hou net moed.

Rone ·

So bly om te hoor! Ons het almal asems op gehou. Wat het van die kapers geword? Of is hulle weer op vrye voet?

Gerda ·

Dit is die krag van gebed!! Prys die Here! Mag hierdie gesin volkome herstel van hierdie aaklige gebeurtenis. Sterte!

Mariana ·

Alles eer kom ons GROTE GOD toe U is almagtig HERE dankie dat dit beter gaan met hulle, Sterkte vir die hele Familie…

Elsabe ·

Dis net God wat ingetree het. Ons almal is gevra vir gebed vir die mensies. Alle eer, lof en prysing kom Hom toe. Die is n lewendige getuienis en wonderwerk wat Koning Jesus gedoen het. Die gesin moet nou getuig wat God vir hulle gedoen het sodat baie mense kan sien dat ons n God van wonders dien. Hy is in beheer.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.