Roodepoort-kaping: Verdagtes toe nié in hof

Een van die vermeende kapers op die ongelukstoneel. Foto: Facebook

Een van die vermeende kapers op die ongelukstoneel. Foto: Facebook

Die drie verdagtes wat op die toneel van ʼn mislukte kapingspoging in Roodepoort in hegtenis geneem is, het nie Maandag soos verwag in die hof verskyn nie.

Die drie verdagtes is Vrydag deur lede van ʼn veiligheidsmaatskappy en die publiek in hegtenis geneem nadat die motor wat hulle glo gekaap het in ʼn botsing naby die oorgang van Louis Botha- en Barry Hertzog-rylaan betrokke was.

Maroela Media het vroeër berig Marilize Bright (34) het Vrydagmiddag kort voor 15:00 twee van haar kinders, Damian (7) en Abigail (9), by Laerskool Horison in Roodepoort gaan oplaai in haar blou Hyundai i20. Sy het toe gery om vir Martinique (1) by haar kleuterskool daar naby op te laai toe hulle deur drie mans gekaap is. Die verdagte wat bestuur het, het sowat 5 km verder op ʼn skerp draai beheer oor die motor verloor en is oor ʼn randsteen voordat die motor teen ʼn bakkie wat ʼn woonwa aan’t sleep was, gebots het.

Eugene, Marilize en hul kinders Abigail, Damian en Martinique. Foto: Verskaf

Eugene, Marilize en hul kinders Abigail, Damian en Martinique. Foto: Verskaf

Die vermeende kapers is ook in die botsing beseer en onder polisiebewaking na die Leratong-hospitaal geneem. Volgens lt. Kay Makhubela, woordvoerder van die polisie, sou die verdagtes Maandag in die Roodepoort-landdroshof verskyn het, maar is die saak uitgestel aangesien twee van die verdagtes steeds in die hospitaal is. Makhubela het gesê die twee verdagtes wat steeds in die hospitaal is, het ernstige beserings opgedoen.

Volgens Makhubela is die saak vir sewe dae uitgestel. Hy kon egter nie die datum waarop die saak weer aangehoor sal word bevestig nie. Volgens Makhubela word ʼn saak van kaping ondersoek en is dit nog nie duidelik of die verdagtes op byekomende aanklagtes tereg sal staan nie.

Lees alle berigte oor die Bright-gesin op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
T

SLUIT hulle toe !!!!!! sit hulle in die tronk se hospitaal, hulle het onskuldige mense ERG beseer en verdien nie eers ‘n hofsaak nie !!!!!

Theresa B

Hulle sou seker nie betyds klaar gewees het met hulle spa behandeling nie. Polisiebewaking sê julle. Ha ha – Ons kyk hoe lank hulle onder bewaking gaan wees voor hulle “gesond” genoeg is om te ontsnap.

Dee

Maroela bevestig dat hulle Marilize se kar bestuur het en dat hulle met haar kar in ‘n ongeluk was maar somehow bly hul status die van verdagtes en vermeendes. Dìt is wanneer oordrywing erg word.

Tiger

Ek stem saam dat hulle in die tronk se hospitaal moet wees en nie ‘n provinsiale hospitaal nie.Die mans is ALMAL op heeterdaad betrap en aangekeer so daar is nie ‘n “maybe” is hulle onskuldig nie.En ‘n klag van opsetlike ontvoering EN poging tot moord en opsetlike beskadiging van eiendom MOET ook saam met die van voertuig kaping gevoeg word.

Liz

Hoe kan hulle nog sê dat hulle verdagtes is?? Hulle is “red handed gevang” of het die feetjies hulle in die kar in getoor??

Nee goeie hemel, die vrou en twee van haar kinders is steeds in die ICU! ?? Dis mos nie reg nie en heokom is hulle nie in die hospitaal tronk nie?? Dis waar hulle in die eerste plek hoort!!