Ao. Dumile Gwavu, woordvoerder van die polisie, het gesê die drie verdagtes het omstreeks 09:15 by die Ikhaya-dagsorgsentrum ingestorm. Een van die verdagtes ʼn vuurwapen gehad. ʼn Groep mense, waaronder agt toeriste wat die sentrum besoek het, is van selfone, rugsakke en kontant beroof.
Volgens Gwavu is ʼn skoot afgevuur tydens die rooftog. “Kinders en werkers was ook tydens die voorval teenwoordig. Traumaberading is vir die kinders, die dagsorgsentrum se werkers en die toeriste gereël.” Hy het gesê niemand is tydens die voorval beseer nie.
ʼn Saak van gewapende roof en poging tot moord word ondersoek. Volgens Gwavu is ʼn taakspan saamgestel om die voorval te ondersoek en is niemand nog in hegtenis geneem nie.
Enigiemand met inligting word versoek om kol. Luntu Ngubelanga te bel by 082 779 7116.
Niks en niemand word ontsien nie. Absolute skande!