Rooimiere, ander verwyder Pta-grondbesetters

Die Rooimiere in Kameelfontein. Foto: Verskaf

Grondbesetters in Kameelfontein, in die noorde van Pretoria, is vandag verwyder nadat AfriSake ’n dringende interdik op 23 Junie 2017 in die Noord-Gautengse hoërhof bekom het.

Die Rooimiere, die Cullinan-balju, die Suid-Afrikaanse Polisiediens en die Tshwane-metropolisie het saamgewerk om uitvoering aan die hofbevel te gee en alle onwettige strukture en grondbesetters te verwyder.

“AfriSake sal aanhou veg vir die beskerming van eiendomsreg in Suid-Afrika. Ons kan nie toekyk dat konstitusionele regte geminag word en geen daadwerklike optrede namens ons lede neem nie. Ons kan nie toelaat dat Suid-Afrika nog ’n Zimbabwe word nie,” het Charles Castle, bestuurder van die arbeidsregsadvieseenheid by AfriSake, gesê.

Castle het gesê politieke retoriek deur radikale partye is grotendeels die oorsaak van hierdie tipe optrede [grondbesetting] en politieke partye moet begin verantwoording doen vir die onverskillige uitlatings wat hulle maak.

As sakeregtewaghond beskerm AfriSake eiendomsreg in Suid-Afrika omdat geen demokratiese bestel sonder die reg op en die sekerheid ten opsigte van eiendomsreg kan bestaan nie.

“Zimbabwe het gewys wat vergrype in terme van eiendomsreg aan ’n land kan doen. Daarom is georganiseerde sakelui en gemeenskappe deurslaggewend vir die voortbestaan van ’n gesonde ekonomie, juis om te verseker dat dít wat in ons buurland plaasgevind het nie ook hier afspeel nie,” het Armand Greyling, regs-en-beleidsanalis by AfriSake, gesê.

Die Rooimiere in Kameelfontein. Foto: Verskaf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Frikkie

Ek stem 100% daarmee saam dat Grondbesetters verwyder moet word. My vraag is wel: Waarnatoe word die mense geskuif? Hulle moet tog plek he om te bly? Hulle moet tog soos mense behandel word, of hoe?

Willie

Frikkie hulle moet terug na hul land toe, Zim, Moz ents…. dans daar genoegh bly plek vir ons mense…. so bietjie werk ook tussen ook

LMF

Afriforum ek like die manier en ook hoe julle dink en Frikkie hul moet maar op nkandla gaan plak want soos hul move move die skelms saam en dit is waar die moeilikheid begin

Rynhardt

Kom ek spel n realiteit uit, grondbesetters gaan nie verdwyn nie.Op 16Junie het Malema voor die massas asook PAC die volgende gese:”The whites stole your land, it’s time for revolution!”Talle koerante en radiostasies ignoreer dit.Madonsela het vandag gese na aanleiding van staatskaping:” Zuma gee nie om in watter rigting die land inslaan nie”.Rewolusie le nou voor.

Piet

Frikkie, net ‘n kommunis dink almal moet alles veniet kry. Dit kon dalk werk wanneer almal in ‘n land produktiewe harde werkers is, maar hoegemaak as 4000 miljoen mense vir die ander 60 miljoen moet sorg? Onthou in SA moet n middelklas, nie net vir n gros arm mense sorg nie, maar hulle moet ook paleise, treine en luukse motors koop om die wat dit nie verdien nie te trakteer.