Rookverbod: ‘Laat rokers toe om self te kies’ – Batsa

Argieffoto (Foto: Alexas_Fotos, Pixabay)

British American Tobacco South Africa (Batsa) voer in sy finale betooghoofde aan dat die besluit of dit wys is om tydens die Covid-19-pandemie te rook, by die roker moet lê en nié die regering nie.

Terwyl Fair-Trade Independent Tobacco Association (Fita) vroeër die verbod op tabakprodukte se rasionaliteit in die Noord-Gautengse hooggeregshof betwis het, beplan Batsa nou om die grondwetlikheid van die verbod in twyfel te trek.

Batsa voer aan dat regulasie 45, wat ingevolge die Wet op Rampbestuur die verkoop en koop van tabakprodukte verbied, die grondwetlike regte van alle belanghebbendes in die tabakbedryf skend.

Volgens Batsa maak die verbod inbraak op grondwetlike regte deur Suid-Afrikaners se reg op waardigheid te ondermyn. Batsa voer aan dat selfoutonomie en die reg om onafhanklike besluite te neem, inherent is aan dié reg.

Die land se grootste sigaretvervaardiger voer aan dat rokers in die lig van die Covid-19-pandemie die reg het om self te kan besluit of hulle wil rook of nie.

“Hierdie saak gaan nie oor die vraag of dit verstandig is dat volwassenes tydens die pandemie rook nie. Dit gaan oor wie die besluit moet neem of dit verstandig is dat volwassenes tydens die pandemie rook: die regering of die rokers self?”

Die saak sal Woensdag en Donderdag in die hof aangehoor word.

Maroela Media het vroeër berig die Noord-Gautengse hooggeregshof het Vrydag Fita se aansoek om verlof tot appèl van die hand gewys.

Fita se appèlaansoek is net soos sy aansoek om die regering se verbod op die verkoop van tabakprodukte ter syde te laat stel, met koste van die hand gewys.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
JohanR

Weet iemand miskien wat gebeur het met die Liberty Fighters Network saak wat gewen is voor Regter Norman Davies : The Liberty Fighters Network is overjoyed that Judge Norman Davis ordered Minister Nkosazana Dlamini-Zuma to amend lockdown regulations within 10 days, only allowing her to appeal an aspect of his judgment. Het sy net dood en voudig die regter ignoreer? As dit waar is dan is sy nie in minagting van die hof nie?

Maryna

Want ons is mos kinders, ons mag nie grootmens besluite neem nie! So oor hierdie regering van ons se nonsens!

Lee

Dit is duidelik dat daar geld hier gemaak word uit rokers in SA -Die sigarette wat tans orals beskikbaar gestel is, is nog meer ongesond in die midde van covid wat veral jou longe kan affekteer – dit vererger dinge en mense se beursies loop leeg – rokers kan nie net ophou rook nie, mense bataal R700 vir 10 pakkies minimum. Daar is nie een roker wat ek ken wat sonder sigarette is nie……….”Let’s be real” Dit is skokkend dat dit toegelaat word, soos alles in die land, kom hulle net eenvoudig weg met alles ten koste van mense in… Lees meer »

Sarah

Dankie, Batsa, julle het darem common sense.. Maar ons almal weet wie hou die staf vas en wie gaan daai stokkie voor die deur steek sommer maar net omdat hulle kan.

Ek hoop van harte julle kom reg met die hofsaak, want van hierdie regulasies is darem maar onnodig.

koos10

My grootste bekommernis is dat die regering dink dat die afkondiging van die ramp toestand die hele grondwet tot niet maak, en weke het om hulle regulasies in die hof te baklei.
Dis nou die selfde regering wat hulleself roem op die feit dat ons die beste grondwet in die wêreld het, en dat die ANC die party vir arm mense is.