Rouxville-plaasmoord: Verdagtes versoek regshulp

Thabang Frans Jordaan en Ngalekile David Zamayo in die hof. Foto: Verskaf

Thabang Frans Jordaan en Ngalekile David Zamayo in die hof. Foto: Verskaf

Die twee verdagtes wat tereg staan vir die moord op dr. Bennie Cilliers, wat Donderdag op ʼn plaas naby Rouxville in die Vrystaat doodgeskiet is, sal na verwagting vandeesweek regsverteenwoordiging kry.

Thabang Frans Jordaan (30) en Ngalekile David Zamayo (41) het Dinsdag in die Rouxville-landdroshof verskyn. Phaladi Shuping, woordvoerder van die nasionale vervolgingsgesag (NVG), het gesê beide verdagtes het regsverteenwoordiging deur die Regshulpraad versoek.

“ʼn Regsverteenwoordiger sal aangestel word om hulle te verdedig en hulle sal dan eers met die verteenwoordiger konsulteer en besluit of hulle om borgtog wil aansoek doen. Indien wel, sal hulle tydens hul volgende hofverskyning die hof daaroor inlig, waarna ʼn datum vir die borgtogaansoek vasgestel sal word,” het Shuping gesê.

Hierdie kennisgewing is buite dr. Bennie Cilliers se spreekkamer aangebring. Foto: Verskaf

Hierdie kennisgewing is buite dr. Bennie Cilliers se spreekkamer aangebring. Foto: Verskaf

Die verdagtes sal op 9 Februarie weer in die hof verskyn.

Intussen het Amanda Appelgryn, woordvoerder van Mediclinic Bloemfontein, Woensdag gesê Cilliers se vrou, Cecilia, se toestand is onveranderd.

Cecilia is tydens die plaasaanval ernstig aangerand en in die hospitaal opgeneem met veelvuldige beserings, waaronder ʼn skedelfraktuur, ʼn gebreekte linkerarm, ribfrakture en sagteweefselbeserings aan die linkerkant van haar liggaam.

Appelgryn het gesê Cecilia is steeds aan ʼn asemhalingsmasjien gekoppel in die waakeenheid van die hospitaal. “Haar toestand is steeds kritiek, maar stabiel. Sy is nog nie buite gevaar nie,” het sy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Cheryl

Lekker man, lekker, nou moet ons nog betaal vir hulle regsverteenwoordiging ook!

Realis

Ek is geen regsgeleerde nie maar is bereid om die twee “pro bono” te verteenwoordig.

Bach

Jammer dat Parys se boere hulle nie kon bykom nie. Dit sou baie goedkoper gewees het.

DPJ

Kan hulle nie va die roodgeld gebruik om regsverteenwoordiging bekom nie?

Petro

?????????hoe vra jy om regshulp nadat jy so n hegte familie uitmekaar geskeur het, n stukkie van hulself het saam mt Dr Cilliers gesterf!!!!! En die seer om hul Moeder so te aanskou Sterkte aan die Cilliers Familie geen borgtog asb!!!!!!!! Iewers moet dit Stop.