Argieffoto
ʼn Vermeende rower is Woensdag in Johannesburg doodgeskiet en drie in hegtenis geneem ná ʼn gewapende roof by ʼn winkel in die omgewing.
Hoofsupt. Wayne Minnaar, woordvoerder van die Johannesburgse metropolisie (JMPD), het gesê die voorval het in Doornfontein plaasgevind.
“JMPD-beamptes het die verkeer gereguleer by die kruising van Siemert- en Errorweg toe hulle geweerskote hoor,” het Minnaar gesê. “Hulle het ondersoek ingestel en gesien ʼn groep mense hardloop in hul rigting.”
ʼn Omstander het die beamptes ingelig dat ʼn winkel pas beroof is en het ʼn beskrywing van die verdagtes gegee.
Een van die verdagtes is glo tydens die roof deur ʼn veiligheidswag doodgeskiet.
“Die beamptes het die verdagtes gejaag en een man aangekeer toe hy in ʼn wegkomvoertuig wou klim. ʼn Tweede verdagte is in ʼn nabygeleë straat aangekeer, en die derde man is in die winkel gevang.”
Die beamptes het op twee ongelisensieerde vuurwapens beslag gelê.
Props vir die boetebessies.
wees pro aktief en paraat.nie skoorsoekerig met moeilike ” kliente” nie
Gee tog maar n handeklap. Die wereld is n klein bietjie beter plek
One criminal one bullet
Man ek like dit om elke dag sulke nuus te lees. Teen die tempo sal SA binnekort ‘n beter plek wees.