‘Rower’ op Limpopo-plaas doodgeskiet

Argieffoto: Reint Dykema

Argieffoto: Reint Dykema

ʼn Vermeende rower is Sondag in die vroeë oggendure doodgeskiet toe hy by ʼn huis op ’n plaas naby Letsitele in Limpopo probeer inbreek het.

Kol. Ronel Otto, woordvoerder van die polisie, het gesê die voorval het omstreeks 00:50 op ʼn plaas in die Constantia-gebied gebeur. “Volgens inligting het die verdagte die elektriese omheining om die huis geknip en toe by ʼn venster probeer inbreek deur die diefwering terug te buig,” het sy gesê.

“Die eienaar van die plaas, Jacobus Kemp, het wakker geskrik en met ʼn haelgeweer van binne die huis op die verdagte gevuur. Die verdagte het uit die venster gespring en tussen 20 en 30 meter gehardloop voordat hy inmekaar gesak het. Hy is op die toneel dood.”

Otto het gesê toerusting wat gewoonlik tydens inbrake gebruik word, is aan die verdagte gevind.

Sy het gesê ʼn saak van moord is aangegee. “Dit is standaardprosedure dat ʼn moordsaak geopen word in so ’n geval, maar niemand is aangekla of in hegtenis geneem nie. Die saak sal ondersoek word en die dossier dan hof toe gestuur word wat sal bepaal of enigiemand vervolg sal word,” het sy gesê.

Volgens Otto blyk dit in hierdie stadium dat die verdagte alleen was, maar die moontlikheid van medepligtiges word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
scalla

Knap gedaan, laat dit vir die ander n les wees

Gerhard Bezuidenhout

Uitstekende werk Jacobus Kemp . Ek kan jou waarborg dat , indien jy nie wakker geword het nie jy heel moontlik vandag deel van statistiek sou gewees het. Dit het tyd geword dat ons onsself met alle mag tot ons beskikking verdedig want hulle gaan jou nie n tweede kans gee nie.

Henneli

Daar is ook by ons elektiese hek gepeuter. Laasnag of oggendure. Hek wil nie meer oopmaak en is in verkeerde rigting geforseer…. gelukkig vir ons is daar ‘n groot magneet op hek geinstalleer. Ons moet maar almal ketting en slot ook aansit!!! Vuilgoed …

Charl

Waarom word sy naam genoem? Die saak was dan nog nie eers naby die hof nie. As dit ‘n swarte was wat iemand doodgeskiet het, dan sou julle net na hom as ‘die huiseienaar’ verwys het..

Rynhardt

n Saak van moord word geopen? Polisie dien jy die publiek of Anc? Mnr.Kemp, u het reg opgetree deur u self te verdedidig! As u nie wakker geword het nie, het die misdadiger u vermoor.Boere en die res van die publiek kan nie gevangene gehou word deur moordenaars nie.Almal moet agter Kemp staan! Kriminele kom nie in jou huis om mense se handtekeninge te vra nie.Daai wet moet geskrap word wat onskuldige mense uitbeeld as moordenaars, terwyl die skurke nou regte geniet.Druj moet met mening uitgeoefen word op Anc, anders word almal uitgemoor! Landbou maak jou stem n slag dik,… Lees meer »