ʼn Beweerde huisrower het sy eie ontsnappingspoging gefnuik toe hy te voet van ʼn misdaadtoneel wou vlug, maar in die proses homself in die been geskiet het.
Die verdagte het glo reeds ten tyde van die voorval ʼn man ernstig gewond.
Shawn Herbst, woordvoerder van Netcare911, sê paramedici is Dinsdag om 07:33 ná gerugte van ʼn skietery na ʼn huis in Kenilworth, Johannesburg, ontbied.
ʼn Bebloede man, wat glo tydens ʼn gewapende rooftog in sy kop en bors geskiet is, is in die omgewing aangetref.
“Terwyl die verdagte te voet van die toneel gevlug het, het hy egter homself in een van sy bobene geskiet en sy ontsnappingspoging tot ʼn einde gebring,” sê Herbst.
Paramedici het die ernstig beseerde slagoffer op die toneel behandel, voordat hy na ʼn plaaslike hospitaal geneem is.
Die verdagte is ook behandel en na ʼn hospitaal in die omgewing geneem.
Maroela Media het navraag aan die polisie gerig oor die moontlikheid dat die verdagte in hegtenis geneem sal word, maar is aangesê om eers ʼn saaknommer te verskaf voordat enige inligting oor die voorval geopenbaar kan word.
Die omstandighede wat tot die beweerde rooftog gelei het, is nog nie bekend nie, maar die voorval sal na verwagting deur die betrokke owerhede ondersoek word.
Justice vir die rower.Voorspoed vir die slagoffer.
Hierdie landjie van ons is stadig maar seker besig om in ñ sinkgat weg te sak.
Gemors !
“…omstandighede wat tot die rooftog gelei het…”? Swak regering en toepassing van wette? Hongersnood en armoede?
So draai die wiel. Soos hulle se: “crime doesn’t pay”.
Die ANC/EFF Politikuste sal hewig met jou verskil.
In ekonomie 101, lank gelede, was die eerste les dat misdaad wel betaal. Slegs 2 uit 10 misdadigers word gevang, en van dié wat gevang word, word n baie klein % uiteindelik suksesvol vervolg.
En daar tref die blinde sambok!
Goed so!!
Hy moes hom per ongeluk in ie kop geskiet het. Hy sal onder Polisiebewaking in die hosp wees.
Mooi gemik.
Praat van scoring an own goal.
Dat hy homself in die been geskiet het, vertel vir my wapen ongelisensieerd plus hy is nie bevoeg om ‘n wapen te besit nie. Voorspoed aan die slagoffer.