Brian Jackson, bedryfsbestuurder van Blue Security, het gesê dat die inwoner van The Curl, ’n straat in dié buurt, haar huis se interkomstelsel-klokkie kort na 18:00 gehoor het. Sy het egter nie oopgemaak nie.
“Vier gewapende rowers het toe die hek voor die oprit ontspoor en ʼn skuifdeur oopforseer om toegang tot die perseel te kry,” het hy gesê. Die rowers het die huis omgekeer en ʼn televisie, juweliersware, kontant en selfone gesteel.
“Toe ons gewapende reaksie- beampte by die toneel opdaag, het die rowers verskeie skote afgevuur terwyl hulle gevlug het. ʼn Dwaalkoeël het ʼn buurman in die skouer getref,” het hy gesê.
Die man is op die toneel gestabiliseer en na die Netcare Umhlanga-hospitaal gehaas.
Waar was die vrou toe gedurende die inbraak of is dit meer as een wooneenheid?