Rowers slaan met aanvalsgeweer op mark toe

Argieffoto bloot ter illustrasie. (Foto: Unsplash)

Die varsproduktemark in Welkom in die Vrystaat is vroeg Vrydagoggend deur ’n groep mans beroof. Die mans was onder meer met minstens een aanvalsgeweer gewapen.

Kol. Thandi Mbambo, provinsiale polisiewoordvoerder, sê ’n onbekende aantal mans het omstreeks 06:00 op die varsproduktemark in Mannys toegeslaan.

Die mans het die mark met pistole en minstens een aanvalsgeweer ingestorm en dié vuurwapens op veiligheidswagte, kassiere en klante gerig.

Mbambo sê die rowers het die veiligheidswagte na die kassiere se kantoor gedwing. Die rowers het een ​​van die veiligheidswagte van sy pistool beroof voordat hulle met dié vuurwapen en ’n onbekende bedrag kontant van die mark op die vlug geslaan het.

Die verdagtes het in twee motors, waarvan die een ’n wit Mercedes-Benz sonder nommerplate, op die vlug geslaan en is sedertdien soek.

Niemand is gedurende die voorval beseer nie.

Die polisie in Welkom ondersoek ’n saak van gewapende roof.

Enigiemand met inligting rakende die voorval word versoek om lt.kol. Mokgethi Khapola of die plaaslike speureenheid by 082 6844 890 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Willem

En hulle wil my verdedigings wapen vat

Persheks Adri

My magtag met ‘n aanvalsgeweer great nog meer rede dat SAPS ons NIE ontwapen NIE!!! Hulle haal nou die groot gewere uit.

Cele waar is jou uniforms om almal te beskerm huh?

Samuel

Die aanvallers het seker gelisensieerde vuurwapens wettiglik gebruik??

Persheks Adri

Pragtig hoedeman kyk wat gaan aan! My magtag met ‘n aanvalsgeweer great nog meer rede dat SAPS ons NIE ontwapen NIE!!! Hulle haal nou die groot gewere uit. Cele waar is jou uniforms om almal te beskerm huh?

Frank

Kommentaar Cele?????…….