‘Rowers’ vas ná strooptogte by klerewinkels

(Foto: SA Police Service/Twitter)

Ses vermeende rowers is agter tralies nadat hulle eers ʼn Ackermans in die Johannesburgse middestad beroof het en daarna hul strooptog by ʼn Mr. Price-klerewinkel voortgesit het.

Kapt. Xoli Mbele, polisiewoordvoerder, het gesê vyf verdagtes het die Ackermans in die stad ingekom en hul aanvanklik as klante voorgedoen. Hulle het wapens uitgepluk, die kassiere aangehou en met kontant en selfone gevlug.

“Hulle is uit dié winkel en na ʼn Mr. Price-winkel waar hulle ʼn ongespesifiseerde bedrag geld en selfone gebuit het.”

Die polisie en Johannesburgse metropolisie was egter blitsig op hul spoor en die bende is kort ná die voorvalle in hegtenis geneem. Een van die vermeende betrokkenes is ʼn taxibestuurder. Hy is in hegtenis geneem vir die besit van vermoedelik gesteelde items, nadat sommige van die selfone in sy minibussie gekry is, het Mbele gesê.

Die polisie het ook op die voertuig beslag gelê.

Die verdagtes verskyn later vandag in die Johannesburgse landdroshof. Hulle word aangekla van gewapende roof, die besit van ongelisensieerde vuurwapens en die besit van gesteelde selfone.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

8 Kommentare

jongste oudste gewildste
Sonja

Mense wees versigtig in inkopie sentruns, parkeer areas en ander plekke. Van nou af gaan dit baie erger raak

wielie

Vat so skurke! Dit word mos nou weer fees seisoen en SA word die wilde weste!

Bert

Kyk hoe arrogant is die ‘rowers, somer van die een winkel na die volgende.
Sekerlik op tyd uit op R100 borg om hul krismis choppings te kan klaar maak.

EKKE

Veels geluk aan die Polisie met hulle vinnige optrede. Ek sien dat hulle al klaar besig is om hulle “Kersinkopies” te doen, en dit op ‘n ander se onkoste!!!!

Penellope Jones

“”Koop”” solank kersgeskenke . . . . .