Rugby: Bokke gaan niks verander nie

Jacques Nienaber. (Foto: Phill Magakoe/AFP)

Die Springbokke het dalk drie agtereenvolgende naweke wedstryde verloor, maar hulle hou vol dat hulle niks aan die wedstrydplan gaan verander nie.

Afrigter Jacques Nienaber se antwoord op ʼn vraag of daar enige taktiese veranderinge gaan wees nadat die Bokke met 17-19 teen die All Blacks verloor het, was kort en kragtig: “Ek dink nie so nie.”

Kaptein Siya Kolisi was ook ferm in sy reaksie en het gesê hulle “gaan nooit enigiets verander nie”. “Dit is hoe ons weet om te speel en dit het nog altyd vir ons gewerk.”

Dit is die reaksie uit die Bok-kamp al is daar skerp kritiek teen die vervelige skopplan van die Wêreldkampioene. Nieu-Seelandse media beskou dit selfs as ʼn klad op rugby, want “wie wil nou na ʼn geskoppery kyk”. Dit is waarskynlik omdat hulle meeding vir kykers met rugbyliga-wedstryde waar hardlooprugby aan die orde van die dag is.

Al het die All Blacks die lugaanval van die Springbokke en veral Faf de Klerk verwag, was hulle steeds verbaas om te sien dat daardie taktiek gebruik word, selfs al was die Bokke in die Nieu-Seelanders se kwartgebied.

(Foto: Patrick HAMILTON/AFP)

“Ons het dit nie verwag nie. Dis vir seker ʼn ander manier om druk op te laai,” het All Blacks-hulpafrigter John Plumtree gesê. Hy sê die spelers was verbaas deur die woer-woer van die balle wat De Klerk geskop het en dit was moeilik om uit die lug te vang. Hulle sal beter voorberei daarop wees, want die All Blacks verwag dieselfde skopplan vir volgende Saterdag se wedstryd.

Plumtree reken daar is talle aspekte waarop die All Blacks moet verbeter.

“Ons spel by die afbreekpunte was nie naastenby op die standaard wat dit teen die Springbokke moet wees nie. Ons kon nie genoeg druk op hulle plaas nie, want daar was te veel omkeerbesit.”

Hy meen ook sy span het te vlak gespeel en dit het die Bokke se verdediging die geleentheid gegee om te oorheers.

Die Nieu-Seelanders het ook talle hanteerfoute gemaak en was nie op hulle beste in die lynstane nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
Malan

“Dit het nog altyd vir ons gewerk” ?? Regtig? Ek dog mos al die tyd Kolisi is nie op die veld nie.

Herman

As jy niks verander, gaan die telling ook nie verander. Dom.

Leonard

annie

Al waarmee ek met nog ‘n span wat ook nou goud en groen dra ten spyte van hul landsvlag se rooi, wit en blou is dat SA se span nie meer hardlooprugby speel nie.

Johann

Arrogant! Verloor verloor veloor…maar gaan niks verander nie? Of is dit deel van die TRANSFORMARS span status?