Rugby-skeidsregter doen regstappe na toeskouer hom aanrand

Die toeskouer het Nel met die vuis in die gesig geslaan. (Foto: Verskaf)

JP Nel, ’n onderwyser van Vanderbijlpark, is Saterdagoggend deur ’n rugby-toeskouer aangerand nadat hy as skeidsregter vir die o.12-rugbywedstryd tussen Brakpan en Boksburg se junior rugbyklubs in Springs geblaas het. Die toeskouer het hom met die vuis in die gesig geslaan.

Nel het Sondag by die Springs-polisiestasie ’n aanrandingsklag aanhangig gemaak.

Nel is direk ná die wedstryd na die kleedkamer om ander klere aan te trek. “Ek was nog besig om my trui oor my kop te trek, toe dié man met die blou hemp voor my staan. Hy het vir my gesê hy het gekom om houe uit te deel,” vertel Nel.

Nel het Dinsdagoggend aan Maroela Media gesê die toeskouer was glo ontsteld oor ’n strafdrie wat aan Boksburg toegeken is. Dié was reeds Boksburg se tweede drie en Boksburg het die wedstryd gewen.

“Net voordat hy my geslaan het, het hy gesê: Jy wil mos drieë vir Boksburg gee. En toe slaan hy my in die gesig,” vertel Nel.

Die toeskouer het net ná die voorval uit die kleedkamers gestorm en verdwyn.

Nel glo die toeskouer kan moontlik ’n ouer van die Brakpan-rugbyspan wees. “Net voor ek in die kleedkamer ingegaan het, het die man met die blou hemp langs die veld saam met ander Brakpan-ouers gestaan en skree.”

Die Brakpan Junior Rugbyklub het die voorval bevestig, maar weet nie wie die toeskouer is nie.

Volgens Nel was daar ʼn ooggetuie in die kleedkamer wat glo die voorval gesien het.

’n Beloning van R6 000 is deur Vereeniging, Kempton, Springs, Meyerton, Boksburg en Suikerbos se rugbyklubs uitgeloof vir enigeen wat meer inligting oor die man het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

52 Kommentare

jongste oudste gewildste
Anoniem

Hoop daar sal ‘n prokureur wees wat sy dienste gratis sal aanbied om hierdie lafhartige optrede stop te sit ! Wat ‘n skande !

Michael P

Mooi so Zettie se hom.

Rugby afrigter

Dis klaar moeilik genoeg om ouers te kry om hulle kinders by klubs in te skryf en nou hierdie “toeskouer” wat die skeidsregter slaan.

WP se skeidsregters het so ruk terug gestaak oor sulke mense.

Klub rugby is regtig ‘n goeie leerskool vir jong rugbyspelers, 99% van ons wedstryde word in baie goeie gees gespeel. Die idee is tog om die outjies speeltyd te gee in die sport wat hulle voor lief is.

Helena.

Net soos politiek inmeng met sport so wil ouers ook inmeng met skole sport. Stop die euwel sommer nou..sit daai vark weg tot hy maniere geleer het. Arme kind met so n vieslike pa.

Morne

Ek wou al hoeveel kere n skeidregter aan rand. Maar ek besef jy stel jou kind in die virleenheid, ook as ouer moes ons n code of conduct teken dat ons ,ons moet gedra. Ook dit help nie om kwaad te word nie die ref se beslising is finaal en jy as ouer moet dit aanvaar. Leer erder die kinders om n verloor te vat en werk om hulle n wen span te maak. Sterkte vir daai skeidsregter en ek hoop hulle kry die man wat hom geslaan het want sulke mense hoort nie rugby waar kinders rugby speel te… Lees meer »