Rugbylegende James Small sterf

Die Springboklegende James Small (50).

James Small, een van die helde van Wêreldbeker-rugbytoernooi in 1995, is in die ouderdom van 50 jaar dood.

Hy het luidens berigte ʼn hartaanval gehad.

Die voormalige Springbokvleuel het sy internasionale debuut in 1992 teen die All Blacks gemaak en het die laaste keer in 1997 vir die Springbokke teen Skotland gespeel.

Small was al te dikwels ʼn omstrede karakter, en sy verbale aanslae op teenstanders op die veld het hom vinnig as die sogenaamde “bad boy” van Springbokrugby bekend laat staan.

Hy is egter allerweë beskou as ʼn formidabele opponent.

Boodskappe van medelye het kort ná die nuus oor Small se dood op sosiale media ingestroom.

“Wêreldbekerheld. Rebel. Een van die interessantste mense wat ek al geken het. RIV broer,” het een van die twiets gelui.

Small se dood word as ʼn groot verlies beskryf.

Hy en die aktrise en model Christina Storm, het ʼn 14-jarige dogter, Ruby.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Wurmpie

RIP

Anne-Marie

Rus in vrede …’n held vir baie.

Anoniem

Terrible nuus RIV.

marco polo

Sjoe, nog so jonk. RIV.

Diertjie

So hartseer RIV sterkte aan die family en vriende