Rusie oor 50c lei tot dood

Argieffoto: Nico Strydom

Argieffoto: Nico Strydom

ʼn Beweerde bakleiery oor kleingeld het tot die dood van ʼn Oos-Kaapse tiener, Darryl Prins, gelei.

Kapt. Gerda Swart, polisiewoordvoerder, het Woensdag gesê die voorval het Vrydag in Mountain View in Kareedouw plaasgevind.

“Twee 17-jarige seuns het omstreeks 15:00 glo in ʼn bakleiery betrokke geraak oor 50c. Prins het ʼn knopkierie gegryp en die ander tiener daarmee aangerand,” het Swart gesê.

Sy het gesê die tiener wat met die kierie geslaan is, het daarna glo twee messe uitgepluk en Prins daarmee in die bors gesteek. Prins is op die toneel dood.

Die verdagte is kort daarna deur die Kareedouw-polisie in hegtenis geneem op aanklag van moord. Die seun het reeds Maandag in die Humansdorp-landdroshof verskyn, waarna die saak tot Donderdag uitgestel is vir verdere ondersoek. Hy bly in aanhouding.

Die verdagte se naam mag volgens die Kinderwet nie bekend gemaak word nie aangesien hy minderjarig is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Henda

Naam mag nie genoem word nie, maar ons is oud genoeg om knopkieries en messe uit te pluk, is dit waarheen vandag se jeug op pad is. Dit is so tragies.

AL

Niks vreemd nie – hulle sal mekaar uitroei vir nog minder

Aai

Gelukkig nie apartheid se skuld nie – hierdie is die voorbeeld wat die ANC en EFF in die parlement aan die jeug stel.

BS

Hartseer is hartseer. Hoe arm moet mens wees om te baklei oor 50c?

Anre

As mens nou verby al die drama, hartseer en tragedie kyk… Is dit nou moord of selfverdediging? Want as iemand my aanrand met ‘n knopkierie gaan ek myself ook wil verdedig.