Ryk lande wil SA betaal om steenkool te laat vaar

(Argieffoto)

ʼn Groep welvarende lande het Dinsdag onderneem om minstens $8,5 miljard (sowat R130 miljard) asook tegniese steun aan Suid-Afrika te gee om die land te help oorskakel na ʼn laekoolstof-ekonomie.

Frankryk, Duitsland, Engeland, die VSA en die Europese Unie (EU) het die ooreenkoms by die COP26-klimaatsberaad in Glasgow met Suid-Afrika aangegaan in ʼn poging om ʼn “billike oorgang” vir Suid-Afrika se ekonomie, wat swaar op steenkool steun, te help verseker.

Pres. Cyril Ramaphosa het die ooreenkoms as ʼn “waterskeidingsoomblik” bestempel en gesê dit is “bewys dat ons ambisieuse klimaatstappe kan doen terwyl ons energiesekerheid verhoog, werk skep en nuwe geleenthede vir belegging skep met die steun van ontwikkelde lande”.

Die skenkers sal aanvanklike finansiering van sowat R130 miljard oor ʼn tydperk van drie tot vyf jaar in die vorm van toelae, konsessielenings, beleggings en risiko-deling verskaf. Dit sal grootliks die private sektor betrek.

Die ooreenkoms word aangevul deur ʼn komponent om tegniese hulp te bied en konsentreer veral daarop om die land se kragopwekkingstelsel te hervorm.

Suid-Afrikaners is die afgelope ruk opnuut aan beurtkrag onderwerp weens voortgesette probleme met Eskom se opwekkingskapasiteit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

42 Kommentare

jongste oudste gewildste
Veronica

en dan?????? ek is all 4 go green, maar geld gaan net in broeksakke met gaaitjies in verdwyn en hoeveel mense se werk gaan hierdeur geraak word?

FranWilder

Hulle moet net nie die R130 miljard vir die regering gee nie, Dan is daar oor 5 jaar niks aangewend nie en die geld is ook op.

Debbie

Kan waarborg dat daar n groot hap van daai geld gaan verdwyn.

Althes

Moet nie net geld gee nie asseblief, kom kyk dat dit optimaal benut word.

Jacobus

Hier is voorspelling. Steenkool sal dan alles China toe gaan en enige geld wat nie uit ANC kloue gehou kan word nie,gaan kaderstoe