SA ambassadeur in die sop oor ‘verdelende’ twiets

Zindzi Mandela (Foto: Twitter)

Die burgerregte-organisasie AfriForum het Saterdag ʼn versoek aan Naledi Pandor, minister van internasionale betrekkinge en samewerking, gerig om Zindzi Mandela, Suid-Afrika se ambassadeur in Denemarke en dogter van oudpres. Nelson Mandela, terug te roep na Suid-Afrika en af te dank.

Dít volg nadat Mandela Vrydag verskeie “verdelende, rassistiese” twiets op die sosialemediaplatform Twitter met die hutsmerk #OurLand gestuur het, het Alana Bailey, uitvoerende hoof van internasionale skakeling by AfriForum, in ʼn verklaring gesê.

“Met haar Twitter-boodskappe het Mandela bewys gelewer van ’n haatdraende houding jeens wit inwoners van die land en het sy in die openbaar bygedra tot die verdeeldheid van plaaslike gemeenskappe. Haar valse bewerings en vernederende beskrywings soos ‘cowards’ en ‘land thieves’ dra by tot die bou aan ’n gevaarlike diskoers van sondebokskepping,” lui die verklaring.

Mandela het op Twitter onder meer na wit mense verwys as lafaards en stelende verkragter-afstammelinge van Jan van Riebeeck. “Miss all these trembling white cowards, shem. Botha, Potgieter, Thieving Rapist descendants of Van Riebeck,” lui die twiet.

Nadat Mandela kritiek op Twitter oor haar uitlatings ontvang het, het sy teruggekap en getwiet dat sy nie aanspreeklik teenoor enige wit man of vrou vir haar persoonlike siening is nie. “I am not accountable to any white man or woman for my personal views. No missus or baas here. Get over yourselves #OurLand,” lui die twiet.

Bailey het Mandela se verweer as “’n algehele gebrek aan insig in haar verantwoordelikheid in haar pos” beskryf. “Dit strook ook glad nie met die land se Grondwet wat onomwonde verklaar dat die land aan almal behoort nie. Die vraag is dus wie se belange sy verteenwoordig en hoeveel werk nodig sal wees om die verhoudings- en reputasieskade wat sy nou deur haar optrede veroorsaak, te bestuur.”

Volgens Bailey het Suid-Afrika se internasionale reputasie die afgelope jare groot skade gely weens die optrede van diplomate in die buiteland.

“Met die aanstelling van dr. Pandor het die hoop internasionaal herleef dat die departement van internasionale betrekkinge en samewerking hierdie reputasieskade sal probeer omkeer. Die wyse waarop die minister ambassadeur Mandela hanteer, sal aandui of dié hoop geregverdig is,” sê Bailey.

Mandela het nog nie weer op die twiets gereageer of kommentaar gelewer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

118 Kommentare

jongste oudste gewildste
Johan

Sy is ‘n verleentheid vir Suid-Afrika en is beslis nie geskik vir haar pos nie. Maar sy sal seker maar beskerm word soos al die ander wat skerp bevraagteken word.

Jaap

En hou nou aan en dring aan dat sy afgedank word.
Strike,tointoi en brand goed tot sy afgedank word.
Erens moet die strooi stop en hulle moet ophou wegkom met die ding dat hulle net kan se wat hulle wil.

Johann cb

Haar persoonlike en professionele lewe is één! Sy verteenwoordig Suid-Afrika!

Wayne

Die behoort die finale toets vir die onafhanklikheid en geloofwaardig van die Menseregtekommissie en die Gelykheidshowe.

HM

Ai sy moet maar terugkom en verduidelik. Ek is al so moeg vir daardie aantuigings.