SA ambassadeur in Nederland ‘moet herroep word’

Suid-Afrika se ambassadeur in Nederland, Bruce Koloane. (Foto: Itumeleng English/ANA)

Die Ahmed Kathrada-stigting het ʼn beroep op Naledi Pandor, minister van internasionale verhoudinge en samewerking, gedoen om Suid-Afrika se ambassadeur in Nederland, Bruce Koloane, te herroep.

Dit kom nadat Koloane vroeër die week voor die Zondo-kommissie van ondersoek na staatskaping getuig het.

Koloane het erken hy het die name van voormalige pres. Jacob Zuma en twee kabinetsministers gebruik om toestemming te bewerkstellig dat die Gupta-familie se trougaste in 2013 by die Waterkloof-lugmagbasis kon land.

“Nadat sy ‘geheue verfris is’, het ambassadeur Koloane aangedui dat hy, toe hy die hoof van staatsprotokol was, die president se naam gebruik het om die ongemagtigde landing van trougaste by die Waterkloof-lugmagbasis te bewerkstellig,” het Neeshan Balton, uitvoerende hoof van die Kathrada-stigting gesê.

“Dit is duidelik dat sy etiese en morele vermoë om ons land as diplomaat te verteenwoordig onder verdenking is. Ons is van mening dat hy uit hierdie pos herroep moet word en aan die nodige stappe onderwerp moet word waardeur hy permanent afgedank moet word.

“Ons kan nie iemand wat erken dat hy lieg, en wat skynbaar nie skaam is om opdragte uit te voer van persone wat staatskaping in Suid-Afrika verpersoonlik, as verteenwoordiger van die land hê nie,” het hy gesê.

Balton het gesê hy sou dink dat die ambassadeur se spyt oor die Waterkloof-skandaal hom daartoe sou lei om meer agterdogtig te wees oor sy interaksie met die Gupta-familie.

“Die #GuptaLeaks skets egter ʼn ander prentjie, met bewerings van voortgesette interaksie met die familie, insluitend om te reël dat vriende by hul Limpopo-gastehuis bly, en om die Guptas te help om kontak te maak met Nederlandse besighede. Aspekte van hierdie bewerings is voor die kommissie deur [Koloane] bevestig.”

Balton sê dit is verstommend dat Koloane in die eerste plek as ambassadeur aangestel is. Hy is deur Zuma aangestel.

“Ons moet die vraag vra of hierdie ‘sagte straf’ dalk eerder sy beloning was dat hy ingestem het om die sondebok te wees vir die ongemagtigde landing by ʼn nasionale sleutelpunt,” het Balton gesê.

“Dit is nogal verbasend dat die president iemand wat sy naam en die name van kabinetsministers misbruik het, sal ontplooi in ʼn senior diplomatieke pos. Dit laat ʼn mens regtig bevraagteken of al die feite rakende die Waterkloof-sage aan die publiek vertel word.”

Balton het bygevoeg dat Virendra Gupta, die destydse ambassadeur vir Indië wat glo vir Koloane gebel het om die landing te versoek, geroep moet word om voor die Zondo-kommissie te verskyn. “Hy moet antwoord oor sy rol in die sage. Die nodige gesprekke moet ook met die Indiese regering gevoer word sodat hulle sy gedrag ondersoek en gepaste stappe teen hom doen,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

33 Kommentare

George van Bloem ·

En wat van die Mandela vrou se lasterlike en rassistiese uitlatings? O ja,jammer.Ek het vir ‘n oomblik vergeet ons land het mos twee stelle reels.

Rm ·

Hom herroep dat hy beter pos kan kry in RSA, seker hoof van eskom of SAA of prasa maak, skandelike leunnaar, of beskerm hy dalk maar net vir Zuma?

Wielspore ·

Pappa roep, kom huis toe en dien jou straf uit want jy is ‘n verleentheid vir ons in die buiteland.

Johan ·

Interessant dat die Ahmed Katrada stigting ewe skielik uitgesproke is…. Waar was hulle die afgelope 25jaar….

BlinkStephaans ·

Ons sal nooit regtig die waarheid van enige iets waaraan zuma gekoppel is weet. Om een of ander rede is hy hierdie goue seun… en hoe meer drama daar rondom hom is, en hoe meer die bedrae wat betokke is raak… hoe harder sing sy koor. Hulle sal staan en val by hom… al kos dit alles wat hulle het. Al rede waaraan ek kan dink is omdat hulle weet… as zuma se turf gaan sit… sit ons saam. Wonder of oom zuma daardie dag dieselfde vir hulle sal doen. Dalk weet hulle hy sal nie… dalk weet hy net te veel…

humor ·

Duidelik, in Nederland is daar nog erns met gesag. Ja inderdaad n verleendheid vir die beskaafde bevolking in SA. Weet nie of die begrip verleendheid vir die meerderheid van die regering bestaan nie.

Michael P ·

Jissie Suid Afrika het regtig verval in nog n Afrika Staat. So Sad.

Kallie ·

En steeds is daar Afrikahers wat reken ons leef in die paradys. Maar nou ja, hoe gaan die storie van die padda in die pot nou weer?

Dries du Toit ·

Wanneer gaan die LIBTARDS begin erken dat Eugene Terreblanche reg was toe hy al hierdie goed in 94 voorspel het.Maar nee,toe is hy afgemaak as n ultra regse idioot wat net aan mag wil vasklou.Jammer libtards,hy wou net aan orde vasklou.As julle tevrede is hoe dit nou hier gaan,kry vir julle.Dan het julle maar flpn LAE standaarde in die lewe

Klipindiebos ·

“As jy die waarheid praat my seun kry jy nie ‘n pakslae nie” Is die nie maar dieselfde beginsel wat hier toegepas is nie? Die waarheid maak jou geestelik vry. Dit was mos die doel van die Waarheid en versoening kommissie ook gewees.

Pensioenaris ·

Ai, so kom al hoe meer van die Zuma maatjies se skandes uit . Dank die spul af en maak vir eens en altyd ‘n voorbeeld van hulle. Eers dan sal SA weer respek in die buiteland verdien. Maar heel laas – dis dalk maar net drome- niemand het ruggraat om iets teen die spul korruptes te doen nie. Wat ‘n jammerte.

Griet ·

Jissie maar die ou spul bly maar skelm. Tante Mandela moet vir seker ook haar pak kry vir haar onaavaarbare uitlatings as ambassadeur. Gmf.

Gert van Wierdapark ·

Daar is soveel bollie met die Gupta-Waterkloof landing aangejaag, dat her-poep die beter optrede sal wees!DIT sal sommer sy ge-heue ook VERFRIS van hoe die Wilde Woeste Westewind nou eintlik moet waai!

CallieL ·

Dis maar soos die Daniel Freedmans dit eintlik stel, Malema soos bogenoemde is bo die wet verhewe. Volgens hom is dit te gevaarlik om hulle tipe tronk toe te stuur. Dit kan in oorlog ontaard. As een van die ou” ek was daar” manne, Daniel dan baklei ons maar ons kan nie langer toelaat dat kriminele alles regeer nie

pieter ·

Niemand van hulle is bevoeg nie, eers as jy jouself bewys en n eerlike graad agter jou naam het en menslik optreeb is jy bevoeg, jy stel ander voor jou eie belange, so nie een is bevoeg nie.

Henry ·

Hoekom spoel Amhed nou sy mond uit. Was dit nie die moeite werd om iets te sê oor die Denemarke ambassadeur nie. Bly liewer stil. Julle is belaglik. Pateties.

Clipper ·

Dit verstom my elke dag meer en meer hoe absoluut niks in die land nie deur die anc vernietig is nie. Daar is net mooi niks wat hulle eerlik mee is nie. Ramaphosa is ook nie die mens wat ons gedink het hy is nie. Hy stel die klomp korrupte mense almal weer aan sodat die plundering kan voortgaan

Magda ·

Die Ahmed Katrada stigting laat ook net van hulle hoor wanneer dit hulle pas – want van die RASSIS van n Nederlandse vrou wat NIKS oorgekom het nie – Waar is julle nou – o vergeet het WIT mense as rassiste / verkragters genoem. Julle – julle spul wat ooit deel was / is vd ANC is korrupt. Doen die regte ding vir almal of bly liewers heeltemal stil.

Leon ·

Herroep liewer daardie rassistiese Mandela.
Beter nog, dank haar af en laat haar self betaal om terug te kom.

aj ·

Hy weet minder van diplomasie as wat ‘n kat van Safraan weet!

SA is nou bankrot en kan nie die “FAT CAT” kaders bekostig nie.

Sluit 80% van die ambassades om die vermorsde MILJOENE RANDE belasting te bespaar.

Betaal daarmee meer onderwysers, verpleegsters en polisiemanne wat ins as landsburgers se lewenskwaliteit kan verbeter.

Gogga ·

As hy in enige ander land erken het dat hy valslik die president se invloed gebruik het om vreemde buitelandse vliegtuie op ‘n millitêre basis te laat land sonder die president se medewete, sal hy vir hoogverraad aangekla word

Hanna Hoekom ·

Wat n verleentheid is Suid-Afrika en sy ambassadeurs nie in die buiteland nie! En dan bly hulle stewig in hul poste: onaantasbaar. Mandela met haar Westerse “look” stook rassehaat vanuit Swede aan. Haar straf? Kuier nog 6 maande in Swede! Ja nee, “all animals are equal but some animals are more equil…”

Trippie ·

ACE Magashule, David Mabuza, baleta Mbete, faith motambi Lindiwe Sisulu en baie ander was ook in Zuma se werkmag.

ChrisE ·

Ek weet nie hoekom die mense so bohaai oor die man en Mandela kind se doen en late opskop nie. Hulle sit daar in die ambassades en leef op die vette van die land. Die probleem egter is, die mense word daar geisoleer. Jy kan na enige diplomatieke geleentheid wêreldwyd gaan. Die westerse diplomate (kaukasiërs) hou eenkant en die ander lot anderkant. So nou en dan sien jy gemengde geselskap groepe. Net wanneer daar iets van belang vir die lande bespreek moet word, sal die Afikaan genader word. As jy subtiele rassisme wil beleef en sien, gaan kyk wat in die raadsale, en uithangplekke van die politici en besigheidsmagnate aangaan.

marais ·

Kan ons nie maar vir oranje mannetjie (Trump) vra om op sy twiiter masjientjie te klim en die twee (Mandie se dogter en wat sy naam, Koloane) oor die vingers te tik oor hul rasistiese en onetiese optrede nie.
Kyk hoe vining het dit vir die Engelse gevat om hul ambasedeer in die USA terug te trek, ‘n week!!

Elsie ·

My vriend onthou net, ons regering is almal korrup en nie naastenby so effektief soos die “Ingelse” nie…. nee my ou daai enetjies is net te “connected” om verwyder te word

Winnie ·

Ek wonder net hoeveel Zuma hom betaal het om die feite te verdraai

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.