SA brandbestryders op pad terug van Kanada

Die Working on Fire-span wat op 29 Mei 2016 na Kanada vertrek het om dié land te help om hewige veldbrande in Alberta te blus Foto: Working on Fire, Facebook

Die Working on Fire-span wat op 29 Mei 2016 na Kanada vertrek het om dié land te help om hewige veldbrande in Alberta te blus Foto: Working on Fire, Facebook

Edna Molewa, die minister van omgewingsake, het Maandag die Suid-Afrikaanse brandbestryders wat na Kanada ontplooi is om te help met die verwoestende brande in dié land, gelukgewens met die werk wat hulle daar verrig het.

“Ons is steeds ongelooflik trots op ons goed opgeleide brandbestryders wat oor talle jare al uitstekende werk verrig het, wat in die internasionale brandbestrydingsgemeenskap erken word,” het Molewa gesê.

Haar gelukwensing volg kort nadat sy ʼn bemiddelaar na Kanada moes stuur om met die brandbestryders, wat in diens is van Working on Fire (WOF), te vergader oor ʼn loongeskil. Die 301 brandbestryders het op 29 Mei vanjaar na Kanada vertrek, maar op 8 Junie begin staak omdat hulle glo slegs $15 per dag gekry het, en nie $50, soos hulle glo belowe is nie.

WOF het sedertdien ontken dat die brandbestryders $50 per dag belowe is en die bemiddelaar, Trevor Abrahams, is na Kanada gestuur om die loongeskil op te los.

Die departement van omgewingsake het egter gesê weens die swaar reënval in die Alberta-gebied in Kanada, was daar nie meer ʼn behoefte aan brandbestryders nie en daarom sal die Suid-Afrikaanse span terugkeer. Die departement het gesê die span het ingestem om terug te keer.

“Ons doen ʼn beroep op die nasie om nie die brandbestryders te veroordeel nie. Om hulle te veroordeel omdat hulle ons teleurgestel het, kan hulle net demoraliseer ten spyte van hul uitstekende bewese rekord. Sodra hulle terug is by die huis, sal ons met hulle vergader om gepaste maatreëls te beplan waarvolgens hul ontevredenheid in die toekoms geopper en aangespreek kan word,” het Molewa gesê.

Sy het bygevoeg dat ʼn interne ondersoek van stapel gestuur sal word om te bepaal wat tot die ontevredenheid in Kanada gelei het. “Ons eerste prioriteit was altyd rondom die veiligheid van ons brandbestryders en die langtermyn-voortbestaan van die WOF-program.”

Die departement sal ook met die Suid-Afrikaanse departement van internasionale verhoudinge en samewerking en die Kanadese regering in verbinding tree om ʼn memorandum van verstandhouding op te stel vir soortgelyke situasies in die toekoms, het sy gesê. “Ons sien uit daarna om ons brandbestryders terug te verwelkom en glo dat hulle hul goeie werk hier op eie bodem sal voortsit.”

Die brandbestryders en bestuur van WOF sal na verwagting Dinsdag in Suid-Afrika land.

Lees alle vorige berigte oor Working on Fire/Kanada op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

79 Kommentare

jongste oudste gewildste
Christa

?Nie veroordeel nie. Wat ‘n grap!

Rens Roodt

watwou – hulle is n disgrace vir enige land – moet nooit weer in diens geneem word nie – sies ga!

Pops

Regtig!!! Word wakker, en ons as landsburgers van SA moet nie gedemoraliseer word omdat hierdie patete ons naam weggegooi het nie!! Julle is ‘n grap vir SA. As jy in daardie tipe beroep is, WEET jy jy doen dit nie vir die geld nie, maar vir die liefde van die saak, net soos verpleegsters, ens, ens, ens. So kry julle prioriteite reg. Maar nee, sommige van ons landsburgers het mos ‘n “kry”-mentaliteit, ons wil alles verniet KRY, en vir niks WERK nie!! Ek skaam my morsdood as ek deel van so ‘n groep moes wees!!!

Therese van Schalkwyk

Daar hoef nie ver gesoek te word om vas te stel wat tot die “ontevredenheid” in Kanada gelei het nie. Die “bleeding heart” Kanadese, wat nie die vaagste benul het van wat die kontrakte met die werkers behels nie, het met groot geskal in die media verkondig dat die SA brandbestryders ingeloop word en as slawe misbruik word. Hierdie onwaarheid is natuurlik opgeslurp deur alle partye en daar gaat ons! Nie so moeilik nie …

Verneem graag as daar ander redes was, want dis bitter jammer dat die beeld van die WOF-program beslis geskaad is.

vierkleur

Ek is seker Kanada dank die Vader vir die reen wat gevat het, sodat die toi toi
in hulle land net kan ent kry