SA brandbestryders staak glo in Kanada

Argieffoto

Argieffoto

Die organisasie Working on Fire (WOF) het Donderdag mediaberigte ontken dat die 301 brandbestryders en bestuurslede, wat na Kanada gestuur is om te help met die verwoestende brande in dié land, nie die betaling en daaglikse toelae ontvang soos met hulle ooreengekom is nie.

Volgens mediaberigte het die brandbestryders in die groep hul ontevredenheid uitgespreek omdat hulle slegs $15 per dag kry en nie $50 soos hulle glo belowe is nie. Die brandbestryders het nou glo begin staak en nie Woensdag gewerk nie.

Linton Rensburg, WOF se nasionale woordvoerder, het hierdie berigte ontken en gesê die hele WOF-span in Kanada word betaal soos voor hul vertrek ooreengekom. Hy het gesê volgens die ooreenkoms ontvang die WOF-brandbestryders hul normale loon soos deur die Suid-Afrikaanse regering se uitgebreide openbarewerkeprogram bepaal word.

Gedurende hul tyd in Kanada sal die brandbestryders se verblyf en etes deur die Kanadese regering gedek word en elke brandbestryder kry daagliks ʼn toelaag van $15 om te gebruik soos hulle wil, het Rensburg gesê. “Met hul terugkeer na Suid-Afrika sal elke brandbestryder ook ʼn ‘buite landsgrense-toelaag’ ontvang tot die randwaarde van $35 per dag. Hierdie reëling is met die brandbestryders bespreek voordat hulle na Kanada vertrek het en almal het die ooreenkoms onderteken.”

Rensburg het beklemtoon dit is ʼn unieke geleentheid vir hierdie jong Suid-Afrikaners om in Kanada te gaan werk. Hy het gesê ʼn senior bestuurspan van WOF sal vanaand na Kanada vertrek om die brandbestryders se ontevredenheid te bespreek en ʼn oplossing vir die situasie te vind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
Fransie

sal nie verbaas wees as dit regtig so is nie, en Kanada wees versigtig hulle stig dalk net die brande!

Kaspaas

Ha ha kon dit gese het. Proudly South African. Dit is die land se kultuur het hulle regtig gedink dit sou nie gebeur. Stuur hulle almal 1ste vlug terug.

Maria van Dieweeck

Swak karakters en bederf

tw

Ja nee, het gewag dat ons weer gaan naam weggooi. Skaars twee weke gehou, nadat hulle soos stout kinders op en af van al die opgewondenheid voor die wereld se tv kameras rondgespring het. Wonder wat dink die Kanadese nou.

Maria van Dieweeck

Swak karakters en bedorwe! Maar so wys hul vir die wereld hul ware kleure. Spul sussies!