SA eindelik van Britse rooilys verwyder

Argieffoto: Twitter via @UKParliament

Dit is amptelik, Suid-Afrika word van Brittanje se reisrooilys verwyder.

Grant Shapps, Britse minister van vervoer, het ’n rukkie gelede op Twitter aangekondig dat 47 lande, waaronder Suid-Afrika, Maandag van Brittanje se rooilys verwyder sal word.

Slegs sewe lande en gebiede sal vir eers op die lys bly. Dié lande is Panama, Colombia, Peru, Ecuador, Haiti, die Dominikaanse Republiek en Venezuela.

Die Britse minister het  gesê reisigers wat Engeland besoek, sal voortaan ook aan minder toegangsvereistes hoef te voldoen en erkenning sal gegee word aan die inentingstatus van reisigers van 37 lande, waaronder Indië, Turkye en Ghana.

Volgens Shapps sal besoekers van hierdie lande se inentingstatus voortaan deur Brittanje erken word en hulle sal dieselfde behandel word as Britse passasiers wat ten volle ingeënt is.

“Die maatreëls wat vandag aangekondig is, is deel van die proses terwyl ons voortgaan om reis oop te stel en stabiliteit vir reisigers en die bedryf te bied.”

Die Suid-Afrikaanse regering en toerismebedryf pleit al ’n geruime tyd dat Suid-Afrika van die rooilys verwyder word weens die land se lae infeksiekoers.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
Filistyn

En as jy kan bewys lewer van antibodies? Daar is mense wie se antibodies hoër is as die vaxinated mense. Het dit self ervaar.

SjN

Rooilys en riool lys klink baie dieselfde in die nuwe SA.

Blomme

O wel sê dan maar welkom aan die Britte in die Wilde Wilde Weste! Ek hoop hulle dra koeėlvaste baadjies!

Hardekwas

Britte bly liewers weg uit ramabanana republic. Dit gaan te woes hier.