SA-goue seun vra ‘ja’-woord

Wayde van Niekerk en Chesny Campbell. Foto: Via Instagram

Wayde van Niekerk en Chesny Campbell. Foto: Via Instagram

Die Suid-Afrikaanse Olimpiese atleet, Wayde van Niekerk (24), is verloof.

Van Niekerk het Donderdag ʼn kort video op sosiale media gedeel waarin hy sê: “Sy het ja gesê”.

Die meisie van sy drome, Chesney Campbell, wys dan vlugtig haar hand, met die ring aan haar linkerringvinger. Hulle verklap nog nie veel van waar en hoe hy die ja-woord gevra het nie.

Gelukwensings vir die paartjie stroom uit alle oorde in.

Van Niekerk het in Augustus geskiedenis gemaak toe hy die 400 m in ʼn nuwe wêreldrekord by die Olimpiese Spele in Rio gewen het.

Hy is as Sportster van die Jaar vir 2016 bekroon danksy sy gouemedalje-vertoning by die Olimpiese Spele. Hy is ook as Sportman van die Jaar aangewys, ʼn eer wat hom verlede jaar ook te beurt geval het.

Verlede week het nog ʼn Suid-Afrikaanse Olimpiese kampioen, Cameron van der Burgh, sy verlowing aan Nefeli Valakelis aangekondig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

7 Kommentare

Vivian ·

Baie geluk. Mag jul toekoms saam geseend wees en die beste nog wag vir julle. Geniet dit.

Connie ·

Bid julle Godsrykste Seën toe op julle pad vorentoe. Baie geluk.

Johann Marx ·

My oupa-grootjie was ook ‘n 440 tree atleet. In 1936 het hy by Bothaville die boeresport 100m vir mans gewen………..en my ouma die koekroller gooi!!!

Penellope Jones ·

Baie geluk! Wat ‘n heerlike manier om 2016 af te sluit en 2017 te begin – alles van die beste!!

Helene ·

Baie geluk jul 2 God rykste seen op jul. Pas mekaar goed op. Wees net lief vir mekaar, en beskerm mekaar. Wayne ons is baie trots op jou. Hou jou voet plat op die aard, bly nederig.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.