SA hotel gekap ná hul Zim-ministers weier

Die Radisson Blu-hotel in Sandton in Johannesburg. Foto: https://www.radissonblu.com

ʼn Afvaardiging van Zimbabwiese ministers, onder wie adjunkpresident Emmerson Mnangagwa, moes verlede week skarrel om inderhaas ander verblyf te reël nadat die bestuur van ʼn luukse hotel in Sandton in Johannesburg hul bespreking gekanselleer het.

Die Zim-SA Forum beweer nou dat daar ʼn rasse- en politieke motief agter die hotel se besluit skuil.

Die Zimbabwiese ministers het na Suid-Afrika gereis om ʼn twee dae lange beleggerskonferensie wat deur die Zim-SA Forum in Johannesburg aangebied is, by te woon. Verblyf is by die Radisson Blu-hotel bespreek, maar die hotel het die bespreking gekanselleer.

Volkan Vural, algemene bestuurder van die Radisson Blu Sandton, het Maandag aan African News Agency (ANA) gesê die hotel het die Zimbabwiese afvaardiging se verblyf “van die hand gewys” weens die moontlikheid van betogings. “Die Radisson Blu Sandton het besluit om nie die Zimbabwiese afvaardiging te huisves nie weens veiligheids- en betogingsbekommernisse by die hotel. Ons het ʼn verpligting om die veiligheid van al ons gaste te verseker,” het Vural gesê.

“Ons het met die organiseerders van die Zimbabwiese afvaardiging gepraat om hierdie inligting aan hulle oor te dra. Hoewel dit op kort kennisgewing gedoen is, was daar geen kwade bedoelings hiermee nie. Ons gaste se veiligheid sal altyd ons eerste prioriteit bly.”

Anele Ndlovu, president van die Zim-SA Forum, het egter teruggekap en gesê veiligheidsbekommernisse is nie die ware rede vir die hotel se besluit nie. Hy het gesê teen Donderdag het twee Zimbabwiese ministers reeds geland en sommige afgevaardigdes van die Verenigde Koninkryk het reeds by die hotel ingeboek toe hulle in kennis gestel is dat hulle nie meer by die hotel kan bly nie.

Volgens Ndlovu het hulle inligting ontvang dat daar moontlik ʼn betoging deur ʼn klein groep genaamd #Tajamuka gehou kan word, maar die hotel is vooraf hieroor ingelig. “Dit is ʼn hotel wat hulle daarop roem dat hulle mense soos Barack Obama, George Bush en ander topwêreldleiers huisves. Dit is die mense wat van die hoogste veiligheidsrisiko’s ter wêreld trek. Ons het die hotel gekies juis hieroor. Ons wou gehad het ons adjunkpresident moet veilig wees,” het hy gesê.

“Dit het niks te doen met veiligheid nie. Hulle huisves Amerikaanse leiers, maar nou sê hulle nee vir ons oor ʼn skadelose groep Zimbabwiërs met plakkate. Dit kon dalk net ʼn groep van tien betogers gewees het en nou word dit ʼn veiligheidsrisiko genoem. Hierdie besluit klink polities en rasgedrewe.”

Ndlovu het gesê die afvaardiging is “met ope arms” by ander hotelle in Sandton verwelkom.

Isaac Moyo, Zimbabwiese ambassadeur in Suid-Afrika, het gesê die kansellasie word beskou as ʼn poging om die beleggerskonferensie te saboteer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

39 Kommentare

jongste oudste gewildste
AP

Goed so .. hou hulle uit die land totdat mugabe verwyder word

Kasper

Ai toggie , en daar word die ras-kaart weer gespeel. Miskien, net miskien wou hulle julle nie rerig toelaat nie angesien Zim bankrot is en nie sou kon betaal vir julle mense se verblyf nie.
Hierdie hotelle werk nie op charity nie , hulle is ‘n besigheid wat wins moet toon.

Loeis

If all else fails, always play the race card.

Adoons

Nou waarom sal Barack Obama toegelaat word om te bly as dit regtig oor ras gaan?

Ig

Ek doen ook glad nie sake met enige staatsdepartement of munisipaliteit nie so maak dit my ook n rassis?Dit gaan seker vir die hotel oor of hy sy geld gaan kry of nie.