SA kletsrymer met blikkies gegooi tydens vertoning

AKA. Foto: ANA

Die gewilde Suid-Afrikaanse kletsrymer AKA is met vol blikkies bier gegooi tydens ʼn Versoeningsdagkonsert in Potchefstroom, Noordwes.

Kiernan Forbes, beter bekend as AKA, het sy misnoeë oor die voorval op sosiale media uitgespreek. Hy was een van die kunstenaar by die “All White 80s Party” by Trimpak. Nasty C, Destruction Boyz, Shane Eagle, Mlindo en DJ Maphorisa was van die ander kunstenaars.

AKA het op sy Twitter-profiel gesê hy is baie teleurgesteld deur van die konsertgangers se optrede. “Ek verstaan heeltemal dat mense opgewonde is en ʼn goeie tyd wil hê maar om deur ʼn vol blikkie bier getref te word, is nie aan nie. Ongelukkig het iemand die vertoning vir almal bederf. Ek het nog nooit verstaan hoe die gooi van bierblikkies ʼn manier is om opgewondenheid te wys nie … maar vanaand het ek amper seergekry.”

AKA het ook ʼn video gedeel wat wys hoe bierblikkies op die verhoog gegooi word terwyl hy optree. Hy het daarna aan konsertgangers gesê hy moet die verhoog vir sy eie veiligheid verlaat.

“Ek is regtig jammer. Julle het gesien ons het terug op die verhoog probeer gaan. Die organiseerders het selfs op die verhoog gegaan en mense gevra om nie blikkies te gooi nie.” Volgens AKA het mense egter aangehou blikkies gooi.

“Verstaan julle nie dat ek nie my kop oopgebars wil hê deur ʼn blikkie bier nie? Hoekom sal ek myself in so ʼn posisie plaas? Dit is teleurstellend en mense moet leer om hulle te gedra.”

Talle ondersteuners was egter nie simpatiek nie en het daarop gewys dat hy in die verlede al van sy ondersteuners sleg behandel het.

AKA het in 2016 ʼn ondersteuner se selfoon van ʼn balkon af gegooi nadat die ondersteuner ʼn foto saam met hom probeer neem het tydens die “Super Mag Show” in Kaapstad. AKA het glo ook verlede maand ʼn ondersteuner se selfoon gegryp en in die skare ingegooi toe die ondersteuner ʼn video gemaak het tydens ʼn optrede by ʼn nagklub in Johannesburg.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
mog-het-troffe

Boontjie kry sy loontjie.

Lola

Dalk moet hy volgende keer vir mense optree…

Anoniem

Lyk vir my na payback time

Leon Fourie

Cry me a river!

Cherokee

Dalk moet hy vir die Spoorweg of Eskom gaan werk.