SA-man dalk doodstraf opgelê in VSA

Muziwokuthula Madondo.

Muziwokuthula Madondo.

ʼn Suid-Afrikaanse man, wat skuldig bevind is aan twee moorde in die VSA en van nog twee aangekla word, kan moontlik die doodstraf opgelê word.

Muziwokuthula “Muzi” Madondo is Maandag tot 30 jaar tronkstraf gevonnis vir twee van die moorde. Madondo, wat verlede maand skuldig bevind is aan die moorde op ʼn pa en seun, Bobby Gonzales (57) en Gabriel Baca (37), sal ten minste 24 jaar van sy vonnis moet uitdien, voordat hy vir parool in aanmerking kan kom

Tog word dit betwyfel of Madondo ooit op parool vrygelaat sal word. ʼn Paar uur voor sy skuldigbevinding op die twee moordaanklagte, het speurders van die Akron-polisiestsie met nuwe bewyse vorendag gekom wat hulle hoop Madondo aan die pen kan laat ry vir die moord op Jacquelyn Hilder, ʼn bankamptenaar van First Merit Bank.

Hilder is die aand van 17 Februarie 2011 in haar huis vermoor, terwyl die liggaam van ʼn Maritzburg College-skoolseun in ʼn woud gevind is in die Butler Township, naby die stad Dayton in Ohio. Anders as in Nieu-Meksiko, kan die doodstraf opgelê word in Ohio.

Tim Rose, prokureur van die Quay County Distrik, het gesê dat hy tevrede is met die vonnis, “veral aangesien dit Nieu-Meksiko is. In ander state is die vonnis vir moord 30 tot 40 jaar.”

In Nieu-Meksiko is die maksimumvonnis 15 jaar. Madondo gaan die twee vonnisse vir moord gelyklopend uitdien.

Tydens Madondo se inhegtenisneming en aanhouding in die dorpie Conroe in Texas, in Maart 2011, het Madondo nie net skuld beken op die aanklagte van moord op Gonzales en Baca nie, maar blykbaar ook vir die moorde op Hilder en Mdadane.

Vroeër vanjaar het Madondo die hoë hof in Nieu-Meksiko oortuig dat sy regte misken is toe hy die bekentenis gemaak het. Skaars twee maande voordat Madondo se verhoor sou begin, het hy skuld beken vir die Tucumcari-moorde.

Kort voor Madondo se vonnis, het Rose gesê Madondo, wat ʼn student aan die Universiteit van Durban-Westville (nou die Universiteit van KwaZulu-Natal) was, het erken hy het Hilder vermoor om die “uitsluitlike rede om geld in die hande te kry”.

“Hy het gereis van Akron, Ohio, met die doel voor oë om Mdadane te vermoor. Hy sê die moord was koudbloedig en beplan. Hy het Mdadane vermoor omdat hy hom in die verlede te nagekom het,” het Rose gesê.

Madondo kom van Richmond naby Pietermaritzburg in KwaZulu-Natal. In sy bekentenis, wat op videoband opgeneem is, het hy gesê hy het die klere wat Mdadane aangehad het, gesteel het, sodat hy nie nagespoor kan word nie.

Madondo het Mdadane se identifikasiekaart gebruik om ʼn bankrekening oop te maak en ʼn woonstel te huur.

“Binne twee weke het Madondo nog twee moorde gepleeg. Ons glo dat die motief vir al die moorde die beskuldigde se geldgierigheid was. Al vier moorde is met dieselfde wapen gepleeg,” het Rose gesê.

Volgens Rose sal Madondo in die staatsgevangenis in Los Lunas aangehou word, maar hy sal na verwagting in Januarie of Februarie aan Ohio uitgelewer word. Rose het gesê indien “Madondo skuldig bevind word aan die Ohio-moorde, sal hy eers sy vonnis wat in Nieu-Meksiko opgelê is, moet uitdien”.

Indien Madondo egter die doodstraf in Ohio opgelê word, sal dit in alle waarskynlikheid die eerste vonnis wees wat uitgedien moet word. In Ohio staan Madondo ook tereg op aanklagte van roof en inbraak, wat verband hou met die moord op Hilder.

Skuldigbevinding aan moord in Ohio is strafbaar met die doodstraf. Volgens die Ohio departement van rehabilitasie en regstelling, is die laaste doodsvonnis in Januarie 2014 volstrek.

Daar is tans 139 mans en een vrou in Ohio wat ter dood veroordeel is. Die volgende doodsvonnis sal volgens skedule in Januarie 2017 voltrek word.

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Vixie

Kry vir jou Katvis!

Michelle

Wens hulle wil dit in Suid-Afrika begin doen.

PJ

GENE GENE GENE !!!!

Susan

Oorsese lande moet hulle nie daar toelaat nie…om van SA VSA toe te gaan om daar moord te pleeg wys jou nou net dit bly in hulle leefwyse…gelukkig is die strawwe daar erger en selfs doodstraf

Bloues

Haha gedink Amerika is Afrika waar jy met moord wegkom. Ek hoop hy kry die doodstraf