‘SA moet oor die doodstraf praat’

Narend Singh. Foto: IVP

Die Inkatha Vryheidsparty (IVP) het ʼn beroep op die regering gedoen vir ʼn nasionale debat oor die herinstelling van die doodstraf.

Narend Singh, die IVP se hoofsweep in die parlement, het gesê die party is al deur baie Suid-Afrikaners genader wat versoek die doodstraf moet weer ingestel word. “Ons mening is dat die regering minstens die kwessie in die nasionale diskoers moet plaas vir bespreking deur die land se burgers.”

Singh meen dit kan gedoen word met ʼn soortgelyke proses as wat onlangs gevolg is met die grondwetlike hersieningskommissie oor die onteiening van grond.

“Kom ons praat oor die doodstraf, kom ons praat oor harde arbeid in tronke sonder die kans van vroeë parool vir gewelddadige kontakmisdade, kom ons hou die gesprekke. Ons doen ʼn beroep op die regering om onmiddellik só ʼn nasionale proses van diskoers te fasiliteer.”

Die konstitusionele hof het in Junie 1995 beslis dat die doodstraf ongrondwetlik is en afgeskaf moet word.

Singh het gesê die IVP het al by verskeie geleenthede gesê gewelddadige misdade soos verkragting en moord is buite beheer in Suid-Afrika.

“Daar blyk geen antwoord of betekenisvolle gevolg of afskrikmiddel te wees vir die pleeg van gewelddadige kontakmisdaad in Suid-Afrika te wees nie.

“Ek kan sonder ophou voortgaan oor die verskriklike moorde wat elke dag in Suid-Afrika voorkom. Ons regstelsel- en misdaadvoorkomingsisteem faal ons. Gewone Suid-Afrikaners voel nie meer en is nie meer veilig nie.”

Talle Afrika-lande, soos Nigerië, Uganda, Soedan en Zimbabwe, pas nog die doodstraf toe. Ander internasionale lande waar die doodstraf ook geld is in China, Japan, Pakistan en Indië.

Volgens Amnestie Internasionaal was daar in 2017 minstens 993 teregstellings in 23 lande. Die meeste hiervan was in China gevolg deur Iran, Saoedi-Arabië, Irak en Pakistan.

In China word die meeste mense tereggestel, maar die presiese syfers is egter nie bekend nie aangesien die inligting as ʼn staatsgeheim geklassifiseer word. Buiten vir China het 84% van alle teregstellings in die vier lande hierbo genoem plaasgevind.

Amnestie Internasionaal het gesê 1 634 mense is in 2015 reg oor die wêreld tereggestel, die meeste sedert 1989. Volgens die organisasie is minstens 2 591 mense in 2017 in 53 lande die doodstraf opgelê. Minstens 21 000 het teen einde 2017 op teregstelling gewag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Elzaan

Go for gold. En stem al die pad saam.

Casper

Dit sal nie werk nie. Die mense word dood geskiet en hulle gee nie om nie. Dit gaan net meer regs kostes wees.

Jana

Die toepassing van die doodstraf gaan baie eensydig toegepas word.

gert

Gee daai man n Bells

B

Todat dit as ‘n instrument teen minderhede gebruik word?

(Want van die ANC en hul Regsbank verwag ek enige iets)