SA ‘nie gereed’ om drankverbod op te hef – Mkhize

Dr. Zweli Mkhize, minister van gesondheid. (Foto: Jairus Mmutle/GCIS)

“As ons sien die Covid-19-getalle en die behoefte aan hospitaalbeddens neem af, sal ons dit heroorweeg om die verbod op alkohol te hef. Ons is nog nie op daardie punt nie.”

Só het dr. Zweli Mkhize, minister van gesondheid, Donderdag tydens ʼn vraag-en-antwoord-sessie gesê nadat hy die Richmond-hospitaal in Richmond, KwaZulu-Natal, besoek het. Volgens hom is Suid-Afrika nog nie gereed om die drankverbod op te hef nie. EWN het ʼn video hiervan op Twitter gedeel.

Die regering is die afgelope maand gekritiseer oor die hernude verbod op alkohol en waarom dit nie opgehef kan word nie. Maroela Media het vroeër berig die drankbedryf eis opnuut dat die verbod op die verkoop van alkohol en sigarette opgehef word omdat dit ʼn vernietigende uitwerking op mense se bestaan het.

Mkhize sê hul besluit oor die drankverbod is om druk op die gesondheidstelsel te verlig. Hy sê die hoë opnamesyfers in hospitale weens Covid-19, ʼn moontlike tekort aan hospitaalbeddens en ʼn tekort aan gesondheidswerkers het ’n groot rol gespeel in die besluit.

“Ons wou enige faktore wat verdere druk op die gesondheidstelsel en trauma-eenhede kon plaas, uit die weg ruim. Uiteindelik is die departement se hooffokus om na die nasie se gesondheid om te sien. Daarom is die drankverbod ingestel.”

Mkhize sê volgens dokters en traumaspesialiste is daar baie minder traumagevalle by hospitale weens die drankverbod. “Dokters sê die drankverbod help geweldig baie om bykomende druk te verlig. Hulle het reeds baie hooi op hul vurk met Covid-19-pasiënte wat instroom. Op die ou einde gaan dit tóg oor daardie pasiënte se lewens en gesondheid,” sê Mkhize.

Hy sê omdat die land tans op die kruin van die pandemie is, is hy nie seker wat die statistieke vorentoe kan inhou nie. “Ons is hoopvol. As daar minder Covid-19-pasiënte is en die erge druk op hospitale verminder, kan ons dit weer oorweeg om die verbod op te hef. Vir eers moet ons net alles onder beheer hou.”

Mkhize het gesê hy kan nie veel oor die tabakverbod sê nie omdat hofsake tans aan die gang is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

39 Kommentare

Werner ·

Al waar hulle goed is is om caos te skep seker dat kopsoek moet aanhou regeer . Dink ons hat al n interne staatsgreep beleef

Cherokee ·

Drank is steeds vrylik beskikbaar, slegs duurder. So ook met tabak.

Marius ·

So Dr gaan jy dan vir die gesinne wat in die drankbedryf is sorg ? Die mense wat reeds hulle werk verloor het en die wat binnekort sonder werk gaan sit . Jy sien Dr ek dink nie julle dink mooi oor julle aksies nie want dit is op die einde van die dag jou eie mense wat die ergste ly daaronder , maar jy verwag van hulle om weer vir julle te stem . Nou hoe nou ? Oog vir n oog ……………….

Jax ·

Die sogenaamde regering het geen reg om hierdie produkte van ons te weerhou nie!!
Dis tyd vir optrede teen die regering! Weet nog nie heeltemal hoe nie maar so kan n mens nie aangaan nie. The selected few moet van hulle poste ontslaan word!!

Juls ·

Hoogste herstelkoers ter wereld (71%) maar mees ekstreme inperkingmaatreels??????????????????

agnes ·

Hulle geniet dit om baas te speel al het hul geen logika nie

Adam Adriaan ·

Wat ‘n klug. Die beste van alles is dat hulle dink hulle doen uitstekend. Lekker om in ‘n droom wêreld te leef. Ons moet net ‘n bietjie geduldig wees die ANC en sy kaders sal nog bykom. Vat net bietjie langer as normaal weg. Kannie help vir die stadige begripsvermoë nie.

Persheks Adri ·

Magsmisbruik en korrupsie is al waaroor dit gaan! Ek drink nie eers nie, maar wat van die mense wat sonder werk gaan sit? Dis jou eie mense ook nie net blankes wat sonder werk gaan sit nie. Kopdoek se vingers mos diep in daai sakke!!!

MAGRIETHA ·

Regering moet betaal vir daai mense wat sonder werk sit , die regering en unies moet ook alle skool gelde betaal terwyl hulle skole toe hou ,waar is die unies in die drank bedryf hoekom is hulle doodstil of betaal die regering hulle om stil te bly net n vraag

koos10 ·

MAGRIETA, die regering het GEEN geld nie, die geld wat hulle moet bestuur is belasting wat deur die mense van die land betaal moet word, so as die regering die mense moet betaal, beteken dit net dat die belastingbetaler dit moet betaal.

Frankie ·

Onthou die regering veg jou en betaal jou met jou eie geld. Hulle moet gedagvaar word in hulle private kapasiteit

JohanR ·

Glo lankal meer NIKS wat jy te se het nie my maat! Drank en sigarette sal beskikbaar wees waaneer die Kommuniste Staat reg is ne my maat? Al 4 maande toegesluit soe reken jy my ou maat nog soe 3 maande om die Kommuniste Staat landwyd reg te kry onder die dekmantel van Covid-19. Soe ons sal weer kan suip, of begin meer suip waaneer die Kommunsite Staat reg is ou Mkhize? Onder die Kommuniste Staat sal ons almal onder militere bewaaking na ‘n gebou gevat word waar one Covid-19 entstof ingespuit sal word met geen keuse? Lekker ou Afrikaanse gesegde “slim vang sy baas” Die ANC se dag sal kom Mkhize en daarin gaan ek myself verlekker!

Johan ·

Ek kry vir Jackson Mtembu jammer, waar gaan hy nou drank kry? Seker by die sjebeen se kroeg in die parlement.

johanf ·

Drank en tabak word nou saam geklasifiseer, kyk maar, hofsake is net ń speel vir tyd…..Ek wonder net hoeveel tekort van beddens het rokers al beset….?
En dan “Dr”, hoe verduidelik jy die skenking van Covid uitrusting, toerusting wat jy aan Kuba geskenk het terwyl die Oos Kaap helse tekorte het, dit maak nie sin vir my nie.
Hier sluit eens baie florerende Restaurante, Gastehuise een na die ander, die toerisme bedryf was, maar is nie meer nie…… die WERKLOOSHEID neem toe en knou ons, daar sal, en tel my woorde, meer INBRAKE/DIEFSTAL plaasvind, mense is HONGER ……Kospakkies hier vir sommigge is ń grap.
Julle dryf julle eie mense tot die uiterste…..
Geniet maar jul magsspeletjie…..!!!

Persheks Adri ·

Jy praat die waarheid en dis hoekom ons land so ‘n gemors is en nog moord en dood op hul hande

Sêmanet ·

Ek wou ook dieselfde sê: hoekom word drank en tabak in een asem gebruik. Die een het niks met die ander te doen nie. Daar is mense wat net rook maar nie drink nie, en andersom. Maar daar is baie markte daarvoor. Dit kos nou wel ‘n nier, maar mense laat hulle nie afsit deur ander wat hulle wil voorskryf nie.

Scalla ·

Covid word as rookskerm gebruik om hul onbevoegdheid te verbloem, Prof Gray het dit bewys!

Persheks Adri ·

Covid of apartheid se skuld onthou jy nou weer eish

gatgogga ·

Aan die ander kant, Scalla, Covid het die ANC se onnoselheid aan die hele wereld ten toon gestel.

Ben ·

Hierdie regerings hoë koppe het gesorg dat hulle store vroegtydig volgeprop was.
Hulle lag vir ons.

Persheks Adri ·

NDZ sit by hulle so hulle sal stock hê! Magsmisbruik en korrupsie!

Kobus ·

Ai Dr,Ek het aan die begin gedink dat u gelukkig een van min in die regering is na wie mens kan opsien. Ongelukkig is u ook maar soos die res van u kollegas.Waar is al die skenkings wat vir mediese doeleindes bestem is? Nou word daar staat gemaak op vrywilligers want daar is nie fondse nie? U ontvang seker volle salaris per maand? Hoeveel van u kollegas het hulle werk verloor? Kom Nou dr!

Johnny ·

As snertpraat ‘n graspol was, was hierdie ou ‘n hele savanna

Cornel ·

Dink julle REGTIG mense gaan ophou drink? Dink weer! Julle redenasie vermoeë verstom ons

Hoekom ·

Suid Afrika is gereed. Die ANC is nie gereed nie. Hulle saboteur die ekonomie en die mense van Suid Afrika.

Boortor ·

Ek dink julle tyd vir besluite neem namens ons is nou verby. Hoop julle het die tydjie geniet maar nou sal ek my eie besluite neem. Julle kan gaan vlieg. Op SAL as julle wil. Julle kan ons nie almal toesluit of in die tronk gooi nie. Die howe vat al klaar ses maande om n simpel saak af te handel. Wat gaan gebeur met sestig miljoen sake. Corona sal lyk soos n kinder partytjie.

Pieter ·

Jy en kop doek het mos al twee in kuba gaan leer. Julle is n grap dit is wat julle is

Sêmanet ·

Is sy nou die nuwe Staatspresident? Wonder maar net… want lyk my sy maak die reëls.

Chris ·

Julle sal gereed wees wanneer alle formele drank en tabak organisasies heeltemal ten gronde gegaan het. Dan sal julle in julle element wees want julle het dan mos die ekonomie getransformeer na smokkelhandel toe.

Kerneels ·

En in Pretoria, op die hoek van Solomon Mahlangu en die ou Bronhorstspruit pad, verkoop die smouse 6-packs bier aan die motoriste…

agnes ·

Pleks hulle liewer noodhospitale oprig soos in alle eerste wereld lande gedoen is. Nee, hulle kan nie insien wat hulle aan die land se ekonomie doen nie. Geen logika nie

gatgogga ·

Ons was eintlik nog nooit gereed nie. Our people kan nie met verantwoordelikheid met alkohol omgaan nie. Die onnosele ANC besef nie eers hoe hulle our people beledig nie.

Jacobus ·

Kwasi-wetenskap en kriminele nalatige beplanning is die werklikke rede vir chaos. “Nie gereed” is al reeds ‘n erkenning van skuld. Bly liewer stil. Julle lieg julself net dieper in die afgrond.

Danie ·

Wat hy nie vra of wil vra nie is, hoeveel van die oorvol hospitaalbeddens is TANS opgeneem deur drankverwante gevalle en hoeveel drankverwante gevalle word daagliks of weekliks toegelaat.
Ingesluit slagoffers van tuis brousels.
Maar hy gaan nie van die antwoord hou nie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.