SA presidentsvrou op pad na VSA

Pres. Cyril Ramaphosa en die presidentsvrou, dr. Tshepo Motsepe. Foto: GCIS

Dr. Tshepo Motsepe, vrou van pres. Cyril Ramaphosa, het Dinsdag op ʼn amptelike besoek na die VSA vertrek.

Dit kom voordat ʼn Suid-Afrikaanse afvaardiging, gelei deur pres. Ramaphosa, die Verenigde Nasies se algemene vergadering gaan bywoon.

Motsepe sal haar haar alma mater, die Universiteit van Harvard se skool vir openbare gesondheid, besoek waar sy ʼn beraad sal toespreek oor vroeë kindergesondheid en -ontwikkeling in Suid-Afrika. Sy sal ook ʼn gesprek voer met ʼn groep studente en fakulteite van die departement van wêreldwye gesondheid en bevolking.

Motsepe sal hierna die onthulling van ʼn standbeeld van oudpres. Nelson Mandela by die Verenigde Nasies se hoofkantoor bywoon.

Motsepe het ʼn meestersgraad in gesondheid wat sy aan Harvard verwerf het. Sy is ʼn gekwalifiseerde mediese dokter en het baccalaureusgrade in geneeskunde en chirurgie wat sy aan die Universiteit van KwaZulu-Natal verwerf het. Sy het ook ʼn maatskaplike entrepreneurskap-sertifikaatprogram by die Gordon Institute of Business Science (GIBS) voltooi.

Sy het al in private praktyke en in hospitale, insluitende die Chris Hani Baragwanath-hospitaal en die Parirenyatwa-hospitaal in Zimbabwe gewerk. Sy het ook by ʼn vooraanstaande Afrika-navorsingsinstituut by Wits gewerk en was voorsitter van die Gautengse gesondheidsdepartement se akkreditasiekomitee.

Dr. Motsepe is tans die voorsitter van die African Self Help Trust (ASHA), ‘n nie-winsgewende organisasie, wat vroeë kinderontwikkelingsondersteuningsprogramme vir tuisgebaseerde kleuterskole in voorheen benadeelde gemeenskappe bied.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
Is Dit Nuuswaardig

Who cares.Jammer sy is nie teen plaasmoorde en grondgryp (gronddiefstal) nie.

James

Wie betaal nou weer hier voor. En die “shopping” wat nou weer gaan gebeur.

Steven

James aka bitterbal: gun ons presidentsvrou bietjie respek. Kyk waar het sy studeer en watter wettige grade verwerf. Seker amper so goed soos jou.
En dan wonder ons hoekom die land in so gemors is…..

Maryna

Hoe gepas … African Self Help Trust !

Hansmyt.eeiskoud

Hoekom is die nuuswaardig?