‘SA regering het skouspelagtig misluk met entstofprogram’

‘n Gesondheidsorgwerker word by die Chris Hani Baragwanath-hospitaal ingeënt. (Foto: Emmanuel Croset/AFP)

Suid-Afrika het nog nie eers 1% van sy bevolking ingeënt nie en die plan om teen die einde van die jaar 40 miljoen mense in te ent, lyk in die stadium na ’n vergesogte fantasie.

Só het Siviwe Gwarube, DA-LP, Donderdag gesê tydens ’n parlementêre debat oor die departement van gesondheid se begroting vir die 2021-’22-boekjaar.

“Lande reg oor die wêreld ent daagliks honderde duisende van hul burgers in terwyl ons fees moet vier oor ’n skamele 350 000 dosisse wat binne ’n week afgelewer sal word.”

Suid-Afrika het teen Donderdagaand net meer as 455 000 gesondheidsorgwerkers teen Covid-19 ingeënt.

“Om sake te vererger is ons veronderstel om met fase 2 van die entstofprogram te begin. Dit terwyl meer as 700 000 gesondheidsorgwerkers nog ingeënt moet word. Hierdie inentingsprogram moet een van die grootste mislukkings van die ANC-regering wees.”

Philip van Staden, VF Plus-LP, het gesê die regering moet ophou om die beskuldiging van “entstof-apartheid” na ander lande te slinger.

“Daar is verlede jaar geslaap met die onderhandelings vir die aankoop van entstof. AstraZeneca is toe halsoorkop aangekoop nadat ’n nuwe variant van die virus reeds in die land uitgebreek het.”

Van Staden meen die mate waartoe die publiek sy vertroue oor inenting deur die staat verloor het, word geïllustreer deur die feit dat slegs 840 000 uit sowat vyf miljoen mense van ouer as 60 hul geregistreer het vir inentings.

“Net so is dit ʼn illusie dat 40 miljoen Suid-Afrikaners teen die einde van die jaar of vroeg aanstaande jaar ingeënt gaan word.

“Die ANC-regering is nie in staat om die land se gesondheidsprobleme op te los nie. Hy misluk klaaglik met die inentingsprogram en die Nasionale Gesondheidsversekering (NGV) sal net so ʼn groot mislukking wees.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

46 Kommentare

jongste oudste gewildste
Tubac

Wag net vir Mkize om knoffel voor te skryf.

Duan

Noem 1 ding wat nie onder die ANC misluk het nie !!

Nie Verbaas

Om te lees van die ANC se mislukkings skok nie eers meer nie. Dit is die daaglikse norm in Suid Afrika met geen koppe wat rol nie.

annie

Is ons seker daar is nie ‘n plan agter die sloer met verkryging nie? Hoeveel afslag word nie dalk beding en rejects dalk teen R0,00 as geskenke gekry nie en natuurlik die groot Afrika-show oor rasisme en ‘ons is soooo arm’ word nie dalk weer opgevoer nie… en so loop die tyd uit. Menselewens? Who cares?

Fedup

It was a given from the start.
No circus can govern a country, let alone planning such a big vaccination stunt.
Shame, must be sad to fail at all levels in life.